2017-06-22 12:52:34, 2068 ნახვა
საზოგადოება
ირაკლი ლექვინაძე: ავტობუსით უბილეთოდ მგზავრობაზე ჯარიმის გაზრდის საკითხი განხილვის პროცესშია
თბილისის მერის მოადგილის ირაკლი ლექვინაძის განცხადებით, ავტობუსით უბილეთოდ მგზავრობის ჯარიმის გაზრდის საკითხი განხილვის პროცესშია.
როგორც მერის მოადგილემ განმარტა, აღნიშნული საკითხი თბილისის სატრანსპორტო კომპანიის მიერაა ინიცირებული და მისი მიზანია უბილეთოდ მგზავრობის შემთხვევების შემცირება.
"ეს საკითხი განხილვის პროცესშია და თუ გადაწყვეტილების მიღება მოხდება, კეთილსინდისიერ მგზავრებს არ შეეხება. გარდა ამისა, თბილისის სატრანსპორტო სისტემაში 26 კატეგორიაა ადამიანების, რომლებიც სარგებლობენ უფასო, ან მნიშვნელოვანი შეღავათებით, ამიტომ ამ ინიციატივის მიზანი უკავშირდება მხოლოდ და მხოლოდ იმას, რომ უბილეთოდ მგზავრობის წილი იყოს მინიმალური", -განაცხადა ლექვინაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
