თბილისის მერი დავით ნარმანია საქმიანი ვიზიტით კანადაში გაემგზავრა, სადაც მთლიანად და ნაწილობრივ ფრანკოფონ მერთა და ქალაქთა საერთაშორისო ასოციაციის  გენერალური ასამბლეის მუშაობაში მიიღებს მონაწილეობას.

თბილისის მერიის ინფორმაციით, ფრანკოფონური ასოციაციის გენერალური ასამბლეა, რომლის წევრიც თბილისი  2001 წლიდან არის,  წელიწადში ერთხელ  ასოციაციის წევრ  ქალაქში იკრიბება და ამჟამად ასამბლეა კანადის ქალაქ მონრეალში მიმდინარეობს.

მათივე ცნობით, ასამბლეის პარალელურად იმართება კანადის მეტროპოლისის მსოფლიო კონგრესი, რომლის გახსნას, მონრეალის მერის, დენი კოდერის მოწვევის საფუძველზე  ასამბლეის დელეგატებიც ესწრებიან. 

მსოფლიო კონგრესისა და ასამბლეის მუშაობის პერიოდში თბილისის მერი საქმიან შეხვედრებს გამართავს მსოფლიო ბანკისა და სხვა საერთაშორისო ორგანიზაციების წარმომადგენლებთან.

დავით ნარმანიას საქმიანი ვიზიტი კანადაში დღეს დაიწყო და 22 ივნისამდე გაგრძელდება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია