ბრიტანეთის ქალაქ კლაიტეროში Silverwoods-ის აუქციონზე გერმანიის ყოფილი კანცლერის ადოლფ ჰიტლერის 1935 წელს გამოცემული Mein Kampf-ის იშვიათი ეგზემპლარი იყიდება, - ამის შესახებ BBC იუწყება. 

მედია საშუალების ინფორმაციით, ნაცისტური გერმანიის დიქტატორის ხელმოწერა წიგნის პირველ ყდაზეა. წიგნის საწყისი ღირებულება 1000 ფუნტ-სტერლინგს (1 275 დოლარს) შეადგენს. 

მესამე რეიხში „ნაცისტურ ბიბლიად“ აღიარებული Mein Kampf აკრძალული ლიტერატურის ნუსხაშია შეტანილი. Silverwoods-ის აუქციონის სახლის დირექტორმა ჯეიმს ტომსონმა განაცხადა, რომ ამ წიგნით ხალხს უნდა ახსოვდეს, "რას წერდნენ ურჩხულები".

"Mein Kampf-ს მყიდველი აუცილებლად გამოუჩნდება, რადგან შესაძლოა ვიღაცას მართლაც აინტერესებდეს, როგორ წერდა კაცი, რომელმაც მსოფლიოში ამდენი ბოროტება ჩაიდინა“, - განაცხადა ტომსონმა.

როგორც ირკვევა, ეს წიგნი წლების განმავლობაში ბრიტანელი ჟურნალისტის და აქტივისტის, პიტერ კადოგანის ოჯახში ინახებოდა. კადოგანმა ადოლფ ჰიტლერთან დაახლოებულ პირს, იუნიტი მიტფორდს სთხოვა, ნაცისტური გერმანიის დიქტატორისთვის ავტოგრაფი ჩამოერთმია. წიგნის გაყიდვა კადოგანის შთამომავლებმა გადაწყვიტეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია