დიდი ბრიტანეთის პრემიერ-მინისტრმა ტერეზა მეიმ, არჩევნების პირველადი შედეგების გამოქვეყნების შემდეგ, მოქალაქეებს სიტყვით მიმართა, - ამის შესახებ BBC იუწყება.

მედია საშუალების ინფორმაციით, ტერეზა მეიმ, მეიდენჰედის ოლქში, სადაც კენჭს იყრიდა, როგორც კონსერვატიული პარტიის წევრი, გამარჯვება მოიპოვა.

როგორც მეიმ სიტყვით გამოსვლისა აღნიშნა, გამარჯვებულ პარტიას სტაბილურობის უზრუნველყოფის პასუხისმგებლობა აქვს დაკისრებული. 

„ახლა ყველაზე მეტად ამ ქვეყანას სტაბილურობის პერიოდი სჭირდება და როგორც მონაცემები გვიჩვენებს, „კონსერვატიულმა პარტიამ“ ყველაზე მეტი ადგილი და, სავარაუდოდ, ყველაზე მეტი ხმა მიიღო. ჩვენ დაგვეკისრება პასუხისმგებლობა, უზრუნველვყოთ სტაბილურობის პერიოდი და სწორედ ამას გავაკეთებთ.

წინასაარჩევნო კამპანიისას, ჩვენ გადავწყვიტეთ განგვეხილა საკითხები, რომელიც პრიორიტეტულია ბრიტანელი ხალხისთვის: მივიღოთ საუკეთესო შეთანხმება ბრექსიტზე, ვაჩვენოთ თუ როგორ შეგვიძლია მივუდგეთ ჩვენი ქვეყნის წინაშე მდგარ დიდ გამოწვევებს, ვიმოქმედოთ ქვეყნის ეროვნული ინტერესების შესაბამისად. ეს არის ის, რის გაკეთებასაც ყოველთვის ვცდილობდი, როგორც პარლამენტის წევრი და ჩემი ამოცანაა, დღესაც იგივე ვაკეთო, რასაც ყოველთვის ვაკეთებდი. 

ჩვენ ველოდებით საბოლოო შედეგებს. როგორიც არ უნდა იყოს ის, „კონსერვატიული პარტია“ გპირდებათ, რომ შევასრულებთ ჩვენს მოვალეობას სტაბილურობის უზრუნველყოფისთვის, რათა ჩვენ, როგორც ერთიანმა ქვეყანამ წინსვლა შევძლოთ”, - განაცხადა ტერეზა მეიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არაგვზე ხიდის მშენებლობის გამო, სად შეიზღუდება წყალმომარაგება 36 საათით - GWP-ს განცხადება

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები