დემირელის კოლეჯის ხარისხის მართვის მენეჯერის, მუსტაფა ემრე ჩაბუქის მხარდამჭერი აქციის მონაწილეებმა მთავრობის ადმინისტრაციის მიმდებარე ტერიტორიიდან პარლამენტის შენობასთან გადაინაცვლეს.

აქციის მონაწილეები მუსტაფა ემრე ჩაბუქის გათავისუფლებას ითხოვენ და სახელმწიფოს მოუწოდებენ მისი თურქეთში ექსტრადირება არ დაუშვას. მათივე განცხადებით, ექსტრადირების შემთხვევაში ჩაბუქი შესაძლოა პოლიტიკური დევნის, წამების/არაადამინური მოპყრობისა ან/და დასჯის მსხვერპლი გახდეს და არ მიეცეს სამართლიან მართლმსაჯულებაზე ხელმისაწვდომობის შესაძლებლობა.

აქციის მონაწილეებს ადგილზე ბანერები აქვთ მიტანილი წარწერით: „თავისუფლება ემრე ჩაბუქს“; „მასწავლებლობა დანაშაული არ არის“; „გაათავისუფლეთ განათლების ელჩი მუსტაფა“; „არ მჯერა სიტყვების, მჯერა ქმედებების“; „გადაარჩინე მასწავლებელი - გადაარჩინე სიცოცხლე“; „არა მასწავლებლის ექსტრადირებას“.

აქციაში მონაწილეობენ არასამთავრობო ორგანიზაციების წარმომადგენლები, ჩაბუქის ოჯახის წევრები, მეგობრები, კოლეგები და პედაგოგები საქართველოს სხვადასხვა ქალაქიდან. ადგილზე 100-მდე ადმიანია შეკრებილი.

შეგახსენებთ, მუსტაფა ემრე ჩაბუქი, მიმდინარე წლის 24 მაისს, თურქეთის მთავრობის მოთხოვნით დააკავეს. მას თურქეთის მთავრობის მიერ ბრალად ედება  ტერორისტულ ორგანიზაციასთან თანამშრომლობა. მუსტაფა წლების განმავლობაში საქართველოს სხვადასხვა რეგიონში საგანმანათლებლო საქმიანობით იყო დაკავებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%