საქართველოს ენერგეტიკისა და წყალმომარაგების მარეგულირებელი ეროვნული კომისიის წევრის გოჩა შონიას განცხადებით, ბუნებრივი აირის ახალი ტარიფები ივნისის ბოლომდე დადგინდება. 

როგორც შონიამ აღნიშნა, კომპანიების მიერ წარმოდგენილი დოკუმენტაციის 95% უკვე შესწავლილია. 

„ბუნებრივი გაზის კომპანიების მიერ წარმოდგენილი სატარიფო განაცხადების და თანდართული დოკუმეტაციის 95% უკვე შესწავლილია. ჩვენ ბოლო ვადა 20 ივლისამდე გვაქვს, თუმცა, შესაძლებელია ამ თვის ბოლომდე მოხდეს კომისიის მოწვევა და ამ საკითხების განხილვა“, - განაცხადა გოჩა შონიამ.

შონიას ინფორმაციით, საქართველოს ენერგეტიკულ და წყალმომარაგების ეროვნულ კომისიაში სატარიფო განაცხადი ოთხ კომპანიას აქვს შეტანილი.

„კომისიაში სატარიფო განაცხადი შემოტანილი აქვს ოთხ კომპანიას: ერთია “გაზის ტრანსპორტირების კომპანია” , ასევე “სოკარ ჯორჯია გაზი“, “საქგორგაზი” და “ყაზტრანსგაზი”. მიზეზი რატომაც მოხდა მათი მხრიდან სატარიფო განაცხადების შემოტანა ისაა, რომ სემეკ-მა ბუნებრივი გაზის სექტორის ახალი მეთოდოლოგიით რეგულირება დაიწყო. მეთოდოლოგია ტარიფების ყოველწლიურ გაადაანგარიშებას ითვალისწინებს. ამ სექტორში ტაფირები უკვე 10 წელია რაც არ დათვლილა, შესაბამისად, ამ ახალი გარემოებებიდან გამომდინარე, რაც დღეს არის ბუნებრივი გაზის სექტორში, კომისია იწყებს ტარიფების გადაანგარიშებას”, - განაცხადა გოჩა შონიამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია