ფრანგები სატირული ჟურნალის Charlie Hebdo-ს საყიდლად რიგებში დგებიან, - ამის შესახებ BBC იუწყება.

ჟურნალის ახალი ნომერი დღეს დილით გამოვიდა. მისი ტირაჟი რეკორდულ 3 მილიონ ეგზემპლარს შეადგენს.

ჟურანლის ყდაზე გამოტანილია მოჰამედ წინასწარმეტყველის კარიკატურა, რომელსაც ხელში აბრა წარწერით „მე ვარ შარლი“ უჭირავს, ხოლო ნახატის ზედა მხარეს არის წარწერა „ყველაფერი ნაპატიებია“.

ჟურნალი 6 ენაზე გამოვიდა, მათ შორის არაბულზე.

საგაზეთო ჯიხურებში Charlie Hebdo-ს შეძენა ჯერჯერობით შეუძლებელია, რადგან შეტანილი ეგზემპლარები მომენტალურად იყიდება. ფრანგები გამოცემის შესაძენად ჯიხურების მეპატრონეებთან ეწერებიან, რათა დამატებითი ჟურნალების მიღების შემდეგ მათ დაუკავშირდნენ და მისი ყიდვა შეძლონ.

Charlie Hebdo-ს სასარგებლოდ საფრანგეთის მოსახლეობამ 1 მილიონი ევროს შემოწირულობა შეაგროვა. გამოცემას კომპანიებიც ეხმარებიან. მაგალითად, Google-მა ჟურნალს 250 ათასი ევრო გადაურიცხა.

გარდა ამისა, გამოცემა გაყიდული 1 მილიონი ეგზემპლარისთვის მთელ მოგებას აიღებს. გაზეთების გამავრცელებლები კომისიას მხოლოდ დანარჩენი 2 მილიონი ეგზემპლარიდან აიღებენ.

აღსანიშნავია, რომ ტერაქტამდე Charile Hebdo დაბალი გაყიდვების გამო გაკოტრების ზღვარზე იყო.

ტერორისტების თავდასხმის შედეგად სატირულ ჟურნალ „შარლი ებდოს“ 10 თანამშრომელი და 2 პოლიციელი დაიღუპა.  ამის შემდეგ საფრანგეთში ერთ-ერთ მაღაზიაში მძევლები აიყვანეს. შედეგად, 4 ადამიანი დაიღუპა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა

მაკრონმა ტრამპს უპასუხა: საფრანგეთი ყოველდღე არ დაადასტურებს თავის სუვერენიტეტს ვიღაცის უცნაური განცხადებების გამო