2017-06-02 16:29:41, 1941 ნახვა
საზოგადოება
„ახალ ტფილისში“ ხვალ საქველმოქმედო გამოფენა-ფესტივალი „პატარა ხელებით“ გაიმართება
„ახალ ტფილისში“ ხვალ, 12:00 საათზე, თბილისის საბავშვო ბაგა-ბაღების სააგენტოს მიერ ორგანიზებული საქველმოქმედო გამოფენა-ფესტივალი „პატარა ხელებით“ გაიმართება.
მერიის ინფორმაციით, ღონისძიების ფარგლებში, დაგეგმილია საბავშვო ბაღების აღსაზრდელთა შოუ-კონცერტი, პანტომიმის თეატრის წარმოდგენები და სხვადასხვა სახალისო აქტივობა. გამოფენა-გაყიდვიდან შემოსული თანხა გადაირიცხება საქართველოს სოლიდარობის ფონდში.
ღონისძიებას დაესწრება თბილისის მერი დავით ნარმანია, სააგენტოს ხელმძღვანელი თემურ თორდინავა, საკრებულოსა და პარლამენტის დეპუტატები და სხვა მიწვეული სტუმრები.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
