ამერიკის შეერთებული შტატები პარიზის კლიმატური ცვლილებების შესახებ 2015 წელს მიღებული შეთანხმებიდან გადის, - ამის შესახებ ქვეყნის პრეზიდენტმა დონალდ ტრამპმა განაცხადა

ამასთან, ტრამპმა ქვეყნისთვის უფრო მომგებიანი და სამართლიანი შეთანხმების მისაღწევად მოლაპარაკებების დაწყება დაანონსა. 

როგორც ტრამპმა აღნიშნა, პარიზის ხელშეკრულება კლიმატის დაცვაზე მეტად, აშშ-ის ხარჯზე სხვა ქვეყნების მიერ სარგებლის მიღებას უფრო ითვალისწინებს.

ცნობისთვის, ხელშეკრულება 2020 წლისთვის სათბური აირების შემცირებასა და განვითარებადი ქვეყნებისთვის ეკოლოგიური პრობლემების დასაძლევად 100 მილიარდი დოლარის გამოყოფას ითვალისწინებს. 

აღსანიშნავია, რომ დონალდ ტრამპის გადაწყვეტილებას ქვეყნის მასშტაბით საპროტესტო აქციები მოჰყვა. 

რესპუბლიკელი პრეზიდენტის გადაწყვეტილებას საფრანგეთის ახლადარჩეული პრეზიდენტი ემანუელ მაკრონი უკვე გამოეხმაურა.

როგორ მაკრონიმ აღნიშნა, ის პატივს სცემს დონალდ ტრამპის გადაწყვეტილებას.

"მე პატივს ვცემ ტრამპის გადაწყვეტილებას, მაგრამ მიმაჩნია, რომ ეს ჩვენი პლანეტის წინაშე დაშვებული შეცდომაა. კლიმატთან მიმართებით გეგმა B არ არსებობს, რადგან არ არსებობს პლანეტა B", - განაცხადა მაკრონიმ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები

ირანის ბლოკადის აღდგენის შემდეგ თეირანთან დაკავშირებული დაკავებული სავაჭრო გემების რაოდენობამ 115-ს მიაღწია.