საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ ახალგაზრდული პროგრამების მონაწილეები შინაგან საქმეთა სამინისტროს აკადემიას ესტუმრნენ.

ცენტრის ინფორმაციით, სკოლის მოსწავლეებმა  აკადემიის ინსტრუქტორების დახმარებით სასწავლო კურსსა და პრაქტიკულ სამუშაოებში მიიღეს მონაწილეობა. ახალგაზრდებმა დაათვალიერეს აკადემიის ინფრასტრუქტურა, გაეცნენ მათ საქმიანობას, მიიღეს ინფორმაცია სამართალდამცავი ორგანოების მუშაობის სპეციფიკაზე, ჩაერთვნენ სიმულაციურ თამაშებსა და ვირტუალურ ტირში.

დანაშაულის პრევენციის ცენტრის ახალგაზრდული პროგრამების მონაწილეებისა და ბენეფიციარებისთვის მსგავსი შეხვედრები შსს-ს აკადემიაში პერმანენტულად ჩატარდება და მათი მიზანი ახალგაზრდებში სამართლებრივი კულტურის ამაღლებაა.

იუსტიციის სამინისტროს სსიპ „დანაშაულის პრევენციის ცენტრის" ერთ-ერთი მიმართულებაა ახალგაზრდებში სამართლებრივი და სამოქალაქო ცნობიერების ამაღლება, მოხალისეობრივი კულტურის განვითარების ხელშეწყობა, არაფორმალური განათლების საშუალებით დანაშაულის პრევენცია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%