ფილიპინებში ერთ-ერთ კაზინოში თავდასხმა მოხდა, რის შედეგადაც სულ მცირე 36 ადამიანი დაიღუპა, - ამის შესახებ BBC იუწყება.

მედია საშუალების ინფორმაციით, ინციდენტი კურორტ მანილაზე სასტუმრო Resorts World Manila-ს კაზინოში მოხდა.

მედიის ცნობით, შეიარაღებულმა მამაკაცმა კაზინოში ცეცხლი გახსნა.

როგორც ადგილობრივ პოლიციაში აცხადებენ, ადამიანების უმრავლესობა ხანძრის დროა კვამლით დაიღუპა.

BBC-ის ცნობით, კიდევ 50 მოქალაქე დაშავდა და ისინი საავადმყოფოში გადაიყვანეს.

სამართალდამცველების თქმით, შეიარაღებულმა მამაკაცმა ტელევიზორის ეკრანების მიმართულებით ისროლა, კაზინოს სათამაშო მაგიდებზე ხანძარი გააჩინა, შემდეგ კი, სასტუმროს ერთ-ერთ ნომერში საწოლზე დაწვა, საწვავი გადაისხა და თავი დაიწვა.

ამასთან, როგორც BBC ოფიციალურ უწყებაზე დაყრდნობით წერს, მომხდარი ფაქტი იყო ყაჩაღობის მცდელობა. აღსანიშნავია, რომ მანამდე მედიაში გავრცელდა ინფორმაცია, რომ მომხდარზე პასუხისმგებლობა ”ისლამურმა სახელმწიფომ” აიღო.

პოლიციის ინფორმაციით, მამაკაცს, სავარაუდოდ, ფსიქიკური პრობლემები ჰქონდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები

ირანის ბლოკადის აღდგენის შემდეგ თეირანთან დაკავშირებული დაკავებული სავაჭრო გემების რაოდენობამ 115-ს მიაღწია.