„ინოვაციები ინტეგრაციისთვის“ - ასე ჰქვია პროექტს, რომელიც იუსტიციის სამინისტროს საგრანტო პროექტის ფარგლებში World Vision საქართველომ განახორციელა. დასკვნით ღონისძიებას იუსტიციის სამინისტროს სსიპ „დანაშაულის პრევენციის ცენტრის“ დირექტორი თათია ხოჭოლავა დაესწრო. 

პროექტის მიზანი ქუჩაში მცხოვრები და/ან მომუშავე ბავშვების საზოგადოებრივ ცხოვრებაში ჩართვის ხელშეწყობა იყო. მოზარდები 6 თვის განმავლობაში გადანაწილებულები იყვნენ სპორტის, თეატრისა და ფოტოგრაფიის ჯგუფებში. პროექტში დანაშაულის პრევენციის ცენტრის მედიაციის სახლის ბენეფიციარებიც მონაწილეობდნენ. ღონისძიება ბავშვთა დაცვის საერთაშორისო დღეს მიეძღვნა.

პროექტის მონაწილეებმა ფორუმთეატრი წარმოადგინეს, ხოლო ფოტოხელოვნების ჯგუფის წევრებმა საკუთარი ნამუშევრების ფოტოგამოფენა და ფოტოალბომის - „ჩემი ერთი დღე ქუჩაში“ პრეზენტაცია გამართეს; ასევე, გამოიფინა პროექტის მონაწილეებისა და World Vision-ის დღის და სადღეღამისო თავშესაფრის ბენეფიციარების ხელნაკეთი ნივთებიც; ნაჩვენები იყო ჩატარებული აქტივობების ამსახველი შემაჯამებელი ფილმიც. აქტივობებში 35 ბავშვი მონაწილეობდა.  პროექტის მონიტორინგი სსიპ „დანაშაულის პრევენციის ცენტრმა“ განახორციელა. 

World Vision საქართველო, სოციალური მომსახურების სააგენტოსთან თანამშრომლობით,  ადმინისტრირებას უწევს 3 დღისა და სადღეღამისო თავშესაფარს, ასევე 3 მობილურ ჯგუფს თბილისსა და ქუთაისში. 

კანონით და ახალი რეფერირების ბრძანებით გათვალისწინებული ქმედებების გარდა, მნიშვნელოვანია ბავშვებისთვის ისეთი აქტივობების დაგეგმვა, რაც მათ ინტერესებზე იქნება მორგებული და თავადაც იქნებიან ჩართულები. დანაშაულის პრევენციის ცენტრის მედიაციის სახლში არასრულწლოვნებს თავისუფალი დროის ნაყოფიერად და საინტერესოდ გატარების შესაძლებლობა აქვთ. განსაკუთრებული ყურადღება განათლების სისტემის მიღმა დარჩენილ არასრულწლოვნებს, ყოფილ პატიმრებსა და პატიმართა ოჯახის წევრებს, ზრუნვის სისტემიდან გასულ პირებს, 18 წლამდე მოზარდებს ეთმობა. მედიაციის სახლის სერვისებით 700-ზე მეტმა არასრულწლოვანმა უკვე ისარგებლა. მათ შორის 92 ქუჩაში მცხოვრები ან/და მომუშავე ბავშვია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%