2017-05-31 13:08:30, 2567 ნახვა
მსოფლიო
ქაბულში აფეთქების შედეგად სულ მცირე 80 ადამიანი დაიღუპა, 300 დაშავდა
ავღანეთის დედაქალაქ ქაბულში აფეთქება მოხდა, რის შედეგადაც სულ მცირე 80 ადამიანი დაიღუპა, - ამის შესახებ BBC იუწყება.
მედია საშუალების ინფორმაციით, ინციდენტის შედეგად 300-მდე ადამიანი დაშავდა.
"ეს იყო ასაფეთქებელი მოწყობილობებით დატვირთული ავტომობილი, რომელიც გერმანიის საელჩოსთან იყო გაჩერებული. ამ დრომდე გაუგებარია თუ კონკრეტულად რა იყო აფეთქების მიზანი", - აცხადებენ ადგილობრივ პოლიციაში.
როგორც მედია წერს, დაშავებულთა შორის არიან დიპლომატიური მისიის წარმომადგენლები, დაიღუპა საელჩოს დაცვის ერთ-ერთი თანამშრომელი.
მედიის ცნობით, ახლოს მდებარე შენობები დაიზიანდა. ადგილზე სამართალდამცველები არიან მობილიზებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
