საქართველოს ახალგაზრდა იურისტთა ასოციაციის თავმჯდომარის ანა ნაცვლიშვილის განცხადებით, ადამიანის უფლებათა ევროპული სასამართლოს ხუთი კანდიდატი სამართლიანად არ არის შერჩეული.

როგორც ნაცვლიშვილმა აღნიშნა, კომისიამ ძირითად ფუნქციას ვერ გაართვა თავი, რომ ძლიერი კანდიდატები ხუთეულს მიღმა არ დარჩენილიყვნენ.  

"გუშინ და გუშინ წინ, ნამდვილად გვქონდა ფართო არჩევანი რამდენიმე ძალიან ძლიერ და ძლიერ კანდიდატებს შორის. მათი აბსოლუტური უმრავლესობა შემადგენლობაში ვერ მოხვდა. გზავნილი კომისიის და სახელისუფლებო წევრების მიმართ, რომლებიც კომისიის შემადგენლობაში შედიოდნენ ასეთია, მოსამართლეები, რომლებიც არ ექვემდებარებიან ზეწოლას მათ ხელისუფლება არ ახვედრებს ხუთეულში, სწორედ იმიტომ რომ ასეთები არიან და ისინი, ვინც იყვნენ წლების განმავლობაში და რჩებიან მორჩილ მოსამართლეებად, მათ აძლევს შესაძლებლობას ასეთ მაღალ პოზიციაზე, კონკურსში მიიღონ მონაწილეობა“,-აღნიშნა ნაცვლიშვილმა.

შეგახსენებთ, რომ 28 მაისს სამთავრობო საკონკურსო კომისიამ სტრასბურგის სასამართლოს მოსამართლეობის კონკურსში მონაწილეებიდან  ხუთი კანდიდატი  შეარჩია.

ლადო ჭანტურიამ, სოფიო ჯაფარიძემ, შოთა გეწაძემ, თამარ ალანიამ და ირაკლი დონდოლაძემ 23 კანდიდატს შორის კომისიის წევრების მხრიდან ყველაზე მაღალი ქულები მიიღეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%