2017-05-26 18:05:20, 2847 ნახვა
მსოფლიო
ესტონეთის მთავრობამ ორ რუს დიპლომატს ქვეყნის დატოვება მოსთხოვა
ესტონეთის მთავრობამ ორ რუს დიპლომატს ქვეყნის დატოვება მოსთხოვა, - ამის შესახებ BBC იუწყება.
მედია საშუალების ინფორმაციით, მთავრობამ რუსეთის გენკონსულ დიმიტრი კაზიონოვსა და კონსულ სერგეი სურგაევს ქვეყნის დატოვების შესახებ ნოტა გაუგზავნა.
ამასთან, ესტონეთის საგარეო საქმეთა სამინისტროში აღნიშნულის მიზეზებს არ განმარტავენ.
მთავრობის გადაწყვეტილებას რუსეთის საგარეო საქმეთა სამინისტრო გამოეხმაურა. როგორც უწყებაში აცხადებენ, აღნიშნული ფაქტი ბალტიისპირეთის ქვეყნების მხრიდან მორიგი არამეგობრული აქტია და ამაზე პასუხს გასცემენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
