ეგვიპტეში „ბოევიკებმა“ 2 ავტობუსს ცეცხლი გაუხსნეს, რის შედეგადაც სულ მცირე 23 ადამიანი დაიღუპა, - ამის შესახებ BBC იუწყება.

მედია საშუალების  ინფორმაციით, თავდასხმა პროვინცია ელ-მინიაში მოხდა. ავტობუსს ადგილობრივი ქრისტიანები სალოცავად გადაჰყავდა.

როგორც BBC წერს, ინციდენტის შედეგად 25 ადამიანი მძიმედ დაშავდა.

დაშავებულებისა და გარდაცვლილების შესახებ განსხვავებულ ინფორმაციას სააგენტო Reuters ავრცელებს. მედიის ცნობით, თავდასხმის შედეგად 26 ადამიანი დაიღუპა და 26 დაშავდა.

არსებული ინფორმაციით, დაღუპულთა შორის უმრავლესობა ბავშვები არიან. როგორც მედია იტყობინება, თავდასხმა ათობით ბოევიკმა განახორციელა. სამართალდამცველების თქმით, თავდამსხმელები შენიღბულები იყვნენ და მათი დაკავების სპეცოპერაცია მიმდინარეობს.

მომხდარზე პასუხისმგებლობა ჯერ არც ერთ ტერორისტულ დაჯგუფებას არ აუღია.

ცნობისთვის, 9 აპრილს ეგვიპტეში ორ ეკლესიაში აფეთქებები მოხდა, რის შედეგადაც 45 ადამიანი დაიღუპა, 100-მდე კი დაშავდა. ბოევიკები ეგვიპტელ კოპტებზე თავდასხმებს პერიოდულად ახორციელებენ. აღნიშნულ ტერაქტზე პასუხისმგებლობა "ისლამურმა სახელმწიფომ" აიღო. ქვეყანაში საგანგებო მდგომარეობა გამოცხადდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება