საქართველოს საგარეო საქმეთა მინისტრის მოადგილე ზვიად გონაძე საქართველოს მოქალაქეებს ურჩევს მაქსიმალური უკიდურესობის გარდა, კონგოს რესპუბლიკაში გამგზავრებისგან თავი შეიკავონ.

გარდა ამისა, როგორც გონაძემ დღეს გამართულ საგანგებო ბრიგინგზე განაცხადა, ტყვედ აყვანილი ქართველი მფრინავი სოსო ოსურაული შესაძლოა, გარდაცვლილი იყოს.

"მინდა მოწოდება გავაკეთო საქართველოს მოქალაქეების მიმართ, რომ მაქსიმალურად თავი შეიკავონ კონგოს დემოკრატიულ რესპუბლიკაში მოგზაურობისგან. ხოლო ადგილზე მყოფ საქართველოს მოქალაქეებს მოვუწოდებთ, დაუყოვნებლივ დატოვონ კონგოს დემოკრატიული რესპუბლიკა.

ოსურაულის დასახსნელად საქართველოს ელჩი რეგიონში იმყოფებოდა და ყველა მხარესთან კონსულტაციები იმართებოდა, მაგრამ სიტუაციას ადგილზე შექმნილი მდგომარეობა ართულებდა, რომელიც ბოლო პერიოდში კიდევ უფრო გართულდა.კონგოში ამბოხებული ჯგუფის, M 23-ის ტყვეობაში ოსურაულის მოხვედრის შესახებ ინფორმაციის გავრცელებისთანავე საქართველოს ხელისუფლება მის დასახსნელად და სამშობლოში დასაბრუნებლად ყველა ღონეს ხმარობს", - აღნიშნა საგარეო მინისტრის მოადგილემ. 

შეგახსენებთ, რომ 23 იანვარს კონგოში ადგილობრივმა მეამბოხეებმა ქართველი მფრინავი სოსო ოსურაული ტყვედ აიყვანეს. მათ სამხედრო-საჰაერო ძალების ორი შვეულმფრენი ჩამოაგდეს, ერთ-ერთს სწორედ ოსურაული მართავდა. სოსო ოსურაული თავდაცვის სამინისტროს შეიარაღებული ძალებიდან 2015 წელს საკუთარი განცხადების საფუძველზე წავიდა და მუშაობა კონგოში, კერძო საავიაციო კომპანიაში დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%