2017-05-23 11:00:24, 2392 ნახვა

---

ტერეზა მეი მთავრობის საგანგებო კომიტეტის COBRA-ს სხდომას გამართავს - „მანჩესტერში მომხდარი აფეთქება საზარელი ტერაქტია“

დიდი ბრიტანეთის პრემიერ-მინისტრი ტერეზა მეი მანჩესტერში მომხდარ აფეთქებას "საზარალე ტერაქტად" აფასებს, - ამის შესახებ BBC იუწყება.

"ჩვენ ვმუშაობთ, რომ დავადგინოთ ყველა გარემოება იმისა, რასაც პოლიცია საზარელ ტერაქტად განიხილავს", - განაცხადა ტერეზა მეიმ.

მედია საშუალების ინფორმაციით, ტერეზა მეიმ წინასაარჩევნო კამპანია შეწყვიტა. პრემიერი მთავრობის საგანგებო კომიტეტის COBRA-ს სხდომას გამართავს.

შეგახსენებთ, რომ ქალაქ მანშესტერში ტერაქტი მოხდა, რის შედეგადაც 22 ადამიანი დაიღუპა, 59 კი დაშავდა. აფეთქება პოპ მომღერალის არიანა გრანდეს კონცერტის დასრულების შემდეგ მოხდა, თვითონ მომღერალი კი არ დაშავებულა. პასუხისმგებლობა მომხდარზე ჯერჯერობით არც ერთ ტერორისტულ დაჯგუფებას არ აუღია. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი