თეთრი სახლის ადვოკატებმა იმპიჩმენტის პროცედურების შესწავლა დაიწყეს, რამაც შესაძლოა ამერიკის შეერთებული შტატების პრეზიდენტის დონალდ ტრამპის ტანამდებობიდან გათავისუფლება გამოიწვიოს, - ამის შესახებ CNN ორ ანონიმურ წყაროზე დაყრდნობით იუწყება. 

მედია საშუალების ინფორმაციით, თეთრი სახლის ადვოკატები რესპუბლიკელი პრეზიდენტის შესაძლო იმპიჩმენტის საკითხზე ექსპერტებთან კონსულტაციები გასულ კვირას გაიარეს და ინფორმაციის მოძიება დაიწყეს. 

როგორც CNN-ი წერს, იმპიჩმენტის შემთხვევაში ტრამპს მხარს რესპუბლიკელი კონგრესმენები დაუჭერენ. 
თეთრი სახლის ადმინისტრაცია აცხადებს, რომ გავრცელებული ინფორმაცია სიმართლეს არ შეესაბამება. 

ცნობისთვის, 17 მაისს, კონგრესის წარმომადგენელთა პალატის წევრმა, დემოკრატმა ელ გრინმა დონალდ ტრამპის იმპიჩმენტი მოითხოვა. 

აშშ-ის 45-ე პრეზიდენტის რეიტინგი საგრძნობლად დაეცა.  მედიაში ინტენსიურად ვრცელდება ინფორმაცია, ტრამპსა და რუსეთს შორის არსებულ კავშირებზე.  დიდი რეზონანსი ასევე, აშშ-ში რუსეთის საგარეო საქმეთა მინისტრის სერგეი ლავროვის ვიზიტმა და დონალდ ტრამპის მიერ შეხვედრის დროს ქვეყნისათვის მეტად მნიშვნელოვანი ინფორმაციის სავარაუდო გაჟღერებამ გამოიწვია. აღნიშნულ ბრალდებებს ტრამპი Twitter-ში გამოეხმაურა და აღნიშნა, რომ რუსეთისთვის ინფორმაციის გაზიარების აბსოლუტური უფლება აქვს. ცოტა ხნის შემდეგ განვითარებულ სკანდალს რუსეთის პრეზიდენტი ვლადიმერ პუტინი გამოეხმაურა. პუტინის შეფასებით, ამერიკაში "პოლიტიკური შიზოფრენია ვითარდება". 

გარდა ამისა, მორიგი სკანდალი FBI-ის დირექტორის ჯეიმს კომის თანამდებობიდან გათავისუფლებას ეხება. New York Times-ის ინფორმაციით, ჯეიმს კომი თანამდებობაზე ყოფნის დროს ტრამპსა და რუსეთს შორის არსებულ კავშირებს, ასევე კრემლის მიერ აშშ-ის 2016 წლის საპრეზიდენტო არჩევნებში სავარაუდო ჩარევას იძიებდა. აშშ-ში არსებობს ვერსია, რომ დონალდ ტრამპმა კომის გადაყენების გადაწყვეტილება სწორედ აღნიშნული გამოძიების გამო მიიღო. დონალდ ტრამპი ყველა ბრალდებას უარყოფს, ხოლო FBI-ის დირექტორის გადაყენების მიზეზად მის მიერ "ბიუროს არაეფექტურად" მართვას ასახელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევზე რუსეთის საჰაერო დარტყმების შედეგად ორი ადამიანი დაიღუპა და რვა დაშავდა

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ