2017-05-19 14:46:06, 1602 ნახვა
საზოგადოება
ბოტანიკურ ბაღში, საქართველოში პირველი მწვანე გამოფენა გაიხსნა
ეროვნულ ბოტანიკურ ბაღში ღონისძიებებისთვის დამატებითი სივრცე მოეწყო, რომელიც დღეს ოფიციალურად გაიხსნა.
თბილისის მერიის ინფორმაციით, ,,ივენთ სქვერმა’’ დღეს საქართველოში პირველად მწვანე გამოფენას უმასპინძლა.
მათივე ცნობით, პროექტის ფარგლებში, წარმოდგენილი იყო სანერგე მეურნეობების, ყვავილების სალონების, საბაღე ხელოვნების, ლანდშაფტის დიზაინის, გამწვანებისა და ფიტოდიზაინის ექსპოზიციები.
გამოფენის მიზანია საქართველოში არსებული ბოტანიკური ბაღების, პარკებისა და საბაღე ხელოვნების სფეროში მოღვაწე ორგანიზაციებს შორის თანამშრომლობის გაღრმავება, მათი საქმიანობის წარმოჩენა და მებაღეობის დარგების პოპულარიზაცია.
გამოფენას ეროვნული ბოტანიკური ბაღი ორი დღის განმავლობაში უმასპინძლებს.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
