"საქართველოს რკინიგზამ" Lean Six Sigma-ს მეთოდოლოგიის დანერგვის ფარგლებში, პროექტების განმახორციელებელ საინჟინრო პერსონალს სერტიფიკატები გადასცა.

"საქართველოს რკინიგზაში" Lean Six Sigma მეთოდოლოგიის დანერგვის მიზანი, საუკეთესო საერთაშორისო პრაქტიკის გამოყენების გზით, საწარმოო პროცესების გაუმჯობესებაა.

პროექტის ფარგლებში, საქართველოს რკინიგზაში საერთაშორისო საკონსულტაციო კომპანიის მიერ თანამშრომლების სათანადოდ მომზადება მოხდა. მომზადების პროცესის ძირითადი შემადგენელი ნაწილი, თეორიულ ნაწილთან ერთად, კონკრეტული პრობლემების გადაჭრაზე მუშაობა იყო, რასაც პროექტების სახე მიეცა. ამჟამად კომპანიაში პროექტების იმპლემენტაცია მიმდინარეობს და ამ დროისთვის ცალკეულმა პროექტებმა საქართველოს რკინიგზას უკვე მნიშვნელოვანი ეკონომიკური ეფექტი მისცა.

"საქართველოს რკინიგზის" სამეთვალყურეო საბჭოს ხელმძღვანელის, კოკა გუნცაძის თქმით, რკინიგზის ახალი ხედვა მის გლობალურ სატრანსპორტო ლოჯისტიკურ ქსელში ინტეგრაციას გულისხმობს.

"ეს გვავალდებულებს მოდერნიზაციას ყველა მიმართულებით, არა მხოლოდ ინფრასტრუქტურის არამედ უპირველეს ყოვლისა კომპანიის მართვის სისტემის თვალსაზრისით. Lean Six Sigma-ს დანერგვა ემსახურება მართვის სისტემის მოდერნიზაციას, საოპერაციო ხარჯების და დროის დაზოგვას, დეფექტების და საწარმოო ხარვეზების იდენტიფიკაციას საწარმოო პროცესში და რაც მთავარია ხარისხის მართვის მაღალი სტანდარტების დანერგვას. მოდერნიზაცია არის ჩვენი სტრატეგიის შემადგენელი ნაწილი და ჩვენ ვივლით იმ გზით, რომ რკინიგზა თანამედროვე კომპანიად გადაიქცეს", - განაცხადა კოკა გუნცაძემ.

რაც შეეხება განხორციელებულ პროექტებს, Lean Six Sigma-ს პროექტის ხელმძღვანელის მაქსიმ კარენიუგინის თქმით, ისინი სამომავლოდ გაგრძელდება.

"დღეს ძალიან მნიშვნელოვანია დღეა, რადგან როგორც ხედავთ გვყავდა 27 ადამიანი, რომლებმაც დღეს "მწვანე ქამრების" სერტიფიკატი მიიღეს. ამ ადამიანებმა განახორციელეს ის ცვლილებები, რომლებიც "საქართველოს რკინიგზას" საბაზრო სეგმენტზე უფრო კონკურენტუნარიანს და ეკონომიკურად ძლიერს გახდის. აღსანიშნავია, რომ პროექტები გაგრძელდება. ჩვენ როგორც კონსულტანტებმა მათთან მუშაობა დავასრულეთ და ისინი დამოუკიდებლად გააგრძელებენ პროექტების განხორციელებას, გააუმჯობესებენ ეკონომიკურ მდგომარეობას მთელ კომპანიაში ყველა მიმართულებით", - აღნიშნა მაქსიმ კარინიუგინიმ.

სერთიფიკატები გადაეცათ: ნათია სვანიძეს, თამაზ ნოზაძეს, კონსტანტინე ღონღაძეს, მირიან გოგიაშვილს, გოჩა გაბიანს, ნუგზარ შარაბიძეს, გურამ ფერხულს, ლაშა ლეკიშვილს, ირაკლი ბერიძეს, დავით ასიეშვილს, მამუკა მინდილაიას, დავით ცერცვაძეს, ლევან ციბირაშვილს, მიხეილ მარსაგიშვილს, ბესიკ გუჯაბიძეს, ნიკოლოზ ზუმბაძეს, ლევან კობერიძეს, გიორგი ჯალაბაძეს, გიორგი ლაცაბიძეს, პაატა ქალიაშვილს, დავით გრაკალიშვილს, ალექსანდრე ესებუას, შალვა ბეროზაშვილს, იოსებ მონიავას, მიხეილ გრიგორაშვილს, ალექსი გონგლაძეს და გია გოგოლაძეს.

®

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა