მოსწავლეებისთვის კიდევ სამი ახალი ბანაკი გაკეთდება.

ამის შესახებ განათლებისა და მეცნიერების მინისტრმა ალექსანდრე ჯეჯელავამ მთავრობის სხდომის დასრულების შემდეგ ჟურნალისტებს განუცხადა.

ჯეჯელავას თქმით, ბანაკებში მოსწავლეთა რაოდენობის გაზრდას აპირებენ, რომელიც  მინისტრის  შეფასებით, მათ განვითარებას მნიშვნელოვნად შეუწყობს ხელს.

 რაც შეეხება მოსწავლეთა შერჩევის კრიტერიუმებს, ჯეჯელავა  ამბობს, რომ შერჩევა მხოლოდ კარგი აკადემიური მოსწრებით არ მოხდება:

„დიდი ხანია არსებობს ანაკლიის ბანაკი მოსწავლეებისთვის. სახელმწიფო ბანაკი ერთი გვქონდა. ვაპირებთ, ბანაკებში მოსწავლეების რაოდენობა მნიშვნელოვნად გავზარდოთ.

ვაპირებთ, რაც შეიძლება მეტი ბანაკი გვქონდეს გრძელვადიან პერსპექტივაში. კიდევ სამი ახალი ბანაკი დაემატება. ორ ახალ ბანაკს თავდაცვის სამინისტროსთან ერთად ვაკეთებთ ქუთაისის კადეტების სასწავლებელში და მეორე მანავის სამხედრო ბაზის ტერიტორიაზე. კიდევ ერთი კაჭრეთის პროფესიული სასწავლებლის ბაზაზე იქნება. შევეცდებით,  ვიპოვოთ ობიექტები, სადაცაა საცხოვრებელი პირობები და  ერთი კვირით ჩავიყვანთ მოსწავლეებს. უფასოა ბანაკები. ყველა რაიონიდან ხდება მოსწავლეების შერჩევა. ნებისმიერი აკადემიური მოსწრების მქონეს სჭირდება სოციალური უნარების განვითარება. მოგვიწევს შემთხვევითობის შემოტანა. როცა რაიმე კრიტერიუმი შემოგაქვს, იქ ფილტრი ჩნდება“,-აღნიშნა ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა