ქალაქ ბათუმში, სოფლის მეურნეობის პროექტების მართვის სააგენტოს ერთიანი აგროპროექტის საგრანტო პროგრამების ბენეფიციარებს საექსპორტო და მარტკეტინგის საკითხებზე ტრენინგები უტარდებათ.

ბენეფიციარებისთვის სასწავლო კურსს სერბეთის ყოფილი სოფლის მეურნეობის მინისტრი ივანა დულიჩ-მარკოვიჩი საერთაშორისო ექსპერტთა ჯგუფთან ერთად ატარებს. სწავლების ფარგლებში, მონაწილეებს შესაძლებლობა ეძლევათ გაეცნონ საექსპორტო პოტენციალის მქონე აგროპროდუქტების შესაძლებლობებს ნიშურ ბაზრებთან მიმართებაში; ბენეფიციარები ინფორმაციას იღებენ ევროკავშირის მოთხოვნებზე სასოფლო-სამეურნეო პროდუქციის ექსპორტთან დაკავშირებით, რაც სანიტარულ, ფიტოსანიტარულ და გარემოსდაცვით მოთხოვნებს გულისხმობს. 

აღნიშნული ტრენინგი USAID/REAP-ის  თანადაფინანსებით ხორციელდება და მასში 20 ბენეფიციარი მონაწილეობს.

სოფლის მეურნეობის პროექტების მართვის სააგენტო „აწარმოე საქართველოში - სწრაფი განვითარებისთვის“ ფარგლებში, ახორციელებს „ერთიან აგროპროექტს“, რომელიც გათვლილია გრძელვადიან განვითარებაზე და მისი მიზანია ისეთი გარემოს შექმნა, რომელიც ხელს შეუწყობს სოფლის მეურნეობაში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას, სურსათის უვნებლობის საერთაშორისო სტანდარტების დანერგვას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა