აზერბაიჯანის არმიამ ე.წ. მთიანი ყარაბაღის ტერიტორიაზე განთავსებულ სამხედრო ობიექტზე სარაკეტო იერიში მიიტანა, - ამის შესახებ haqqin.az იუწყება.

მედია საშუალების ინფორმაციით, იერიში 15 მაისს განხორციელდა. ამასთან, აზერბაიჯანულმა მხარემ  მომხდარის ამსახველი ვიდეომასალა გამოაქვეყნა.

მედიის ცნობით, სომხეთის მხარე აცხადებს, რომ "სარაკეტო დარტყმის შედეგად სამხედრო ტექნიკა დაზიანდა".

ბაქოს განცხადებაში კი ნათქვამია, რომ სომხეთის შეიარაღებული ძალები საჰაერო სივრცეზე კონტროლის მოპოვებას ცდილობდნენ, რისთვისაც თავდაცვის წინა ხაზზე საზენიტო-სარაკეტო კომპლექსი "ოსა" განათავსეს.

"აზერბაიჯანის საფრენი აპარატებისთვის შექმნილი რეალური საფრთხიდან გამომდინარე, ასევე მოწინააღმდეგის აქტიურობის აღსაკვეთად, სრულად განადგურებულია კომპლექსი "ოსა"", - ნათქვამია აზერბაიჯანული მხარის განცხადებაში.

"რია-ნოვოსტის" ინფორმაციით, მხარეები აცხადებენ, რომ ცეცხლის შეწყვეტის შესახებ შესაბამისი შეთანხმება 55-ჯერ დაირღვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა