საჯარო რეესტრის ეროვნული სააგენტოს თავმჯდომარე პაპუნა უგრეხელიძე  მსოფლიო ბანკის Doing Business-ის  მისიის წარმომადგენლებს შეხვდა.

სამუშაო შეხვედრაზე მსოფლიო ბანკის შეფასების მისიის წარმომადგენლებმა საჯარო რეესტრის მენეჯმენტთან ერთად ბიზნესისა და უძრავი ქონების სარეგისტრაციო პროცედურები,  რეგულაციები და მიმდინარე რეფორმები დეტალურად განიხილეს.

Doing Business-ის საერთაშორისო რეიტინგში საქართველო ბოლო წლებია მოწინავე პოზიციებს ინარჩუნებს. განხორციელებული რეფორმების კუთხით ქვეყნის მიღწევები წლიდან წლამდე, მსოფლიო მასშტაბით  მნიშვნელოვნად უმჯობესდება.   2017 წლის კვლევაში, უძრავი ქონების რეგისტრაციის სიმარტივის კუთხით,  ქვეყანა პირველ სამეულში,  ხოლო ბიზნესის რეგისტრაციის სიმარტივით  – კი პირველ ათეულში მოხვდა.

მსოფლიო ბანკისა და საერთაშორსო საფინანსო კორპორაციის Doing Busienss-ის ყოველწლიური რეიტინგი  იმ რეფორმებს ასახავს, რასაც ქვეყნის მთავრობა ბიზნესის ხელშესაწყობად ახორციელებს.  ბიზნესის კეთების სიმარტივე, საერთაშორისო რეიტინგში, რამდენიმე  ობიექტურ და  გაზომვად ინდიკატორზე დაყრდნობით განისაზღვრება.    ეს ინდიკატორებია:  ბიზნესის რეგისტრაცია, მშენებლობის ნებართვის მიღება, ელექტროობით უზრუნველყოფა,  საკუთრების რეგისტრაცია, კრედიტის მიღება, ინვესტორთა უფლებების დაცვა, გადასახადების გადახდა, საერთაშორისო ვაჭრობა, კონტრაქტების აღსრულება და ა.შ.

„Doing Business 2018"  ანგარიში მიმდინარე წლის ოქტომბერში გამოქვეყნდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა