თბილისში კონსტიტუციური ცვლილებების საყოველთაო-სახალხო განხილვა, სავარაუდოდ, გაიმართება, თუმცა როდის,  ჯერჯერობით უცნობია.

„რა თქმა უნდა, პროცესი გაგრძელდება. რამდენიმე ადამიანის ნეგატიური აქტიურობით ეს პროცესი არ ჩაიშლება  და არ დასრულდება. ჩვენ გვაქვს ძალიან ცუდი, ერთ კაცზე მორგებული კონსტიტუცია და ის აუცილებლად უნდა შეიცვალოს და შეიცვლება. პროცესი გაგრძელდება და კონკრეტულ თარიღებს თქვენ შეიტყობთ. დღემდე არანაირი შეზღუდვა მიწასთან დაკავშირებით კონსტიტუციაში არ არსებობდა. ამას მოწმობდა ისიც, რომ სულ ახლო წარსულში საკონსტიტუციო სასამართლომ ამის გამო დაადგინა, რომ  მიწის გაყიდვის შეზღუდვა არის არაკანონიერი, არაკონსტიტუციური. შესაბამისი ნორმა გაჩნდა კონსტიტუციაში, რომ ნებისმიერი შეზღუდვა, ნებისმიერი  გამკაცრება,  როგორც ამას უწყობს ჩვენი საზოგადოება და ჩვენს  პოლიტიკურ გუნდშიც ბუნებრივია ასეთი აზრი არსებობს, არ იქნება არაკონსტიტუციური. როგორც მინიმუმ ეს არის უდიდესი მიღწევა. შესაბამისად, შეგვიძლია გავაგრძელოთ ამაზე მსჯელობა. ჩვენ შეგვიძლია ვილაპარაკოთ იმაზე, რომ ქართული მიწა ასე თავისუფლად არ იყიდებოდეს უცხოელებზე და  არანაირი საფრთხე ამ მიმართულებით ჩვენს ქვეყანას არ დაემუქროს. აქედან გამომდინარე, ეს პროტესტი უსაფუძვლოა“,-მამუკა მდინარაძემ.

შეგახსენებთ, დღეს, ფილარმონიაში, კონსტიტუციური ცვლილებების საყოველთაო-სახალხო განხილვა ჩაიშალა. დარბაზში მყოფმა სხვადასხვა  ჯგუფებმა  პარლამენტის თავმჯდომარეს საშუალება არ მისცეს, კონსტიტუციური ცვლილებები წარედგინა. მათ შრომითი უფლებების კონსტიტუციის დონეზე განსაზღვრა მოითხოვეს, ასევე გაჟღერდა  მიწის უცხოელებისთვის მიყიდვის აკრძალვის მოთხოვნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

10 ნოემბერს საქართველოს ბანკი მშობლებისთვის ვებინარს მართავს: მომავლის პროფესია, განათლება და მშობლის როლი AI-ის ეპოქაში

რუსეთმა საფრანგეთში გამართული საპროტესტო აქციები მთავრობის დისკრედიტაციისთვის გამოიყენა

რუსეთ-საქართველოს მცენარეთა საკარანტინო ნორმების კუთხით თანამშრომლობას ავითარებს - როსსელხოზნადზორი ვიზიტს აჯამებს

სიორიძე - ვაპირებთ, ოცნებას ყველა ცრუ ბრალდება შემოვუტრიალოთ, ვამხილოთ კონსტიტუციური წყობილების ხელყოფაში