გაეროში ამერიკის შეერთებული შტატების მუდმივი წარმომადგენილი ნიკი ჰეილი ჩრდილოეთ კორეის ლიდერის კიმ ჩენ ინის მიერ ახალი ბალისტიკური რაკეტის ტესტირებასს აფასებს და აღნიშნავს, რომ ეს კიმ ჩენ ინის "პარანოიაზე" მიუთითებს, - ამის შესახებ ნიკი ჰეილიმ ABC News-სთან ინტერვიუში განაცხადა.

ჰეილის შეფასებით, ბალისტიკური რაკეტების ტესტირება კიმ ჩენ ინის პასუხია სამხრეთ კორეაში ახალი პრეზიდენტის დანიშნვაზე. ჰეილიმ პირობა დადო, რომ აშშ ფხენიანზე ზეწოლას განახორციელებს. 

ნიკი ჰეილის განცხადებით, ფხენიანი და ვაშინგტონი "მოლაპარაკებების მაგიდასთან იქამდე არ დასხდებიან, სანამ ჩრდილოეთ კორეა ამერიკის მიერ დაყენებულ პირობებს არ შეასრულებს". 
დონალდ ტრამპმა აღნიშნა, რომ ჩრდილოეთ კორეის მიმართ სანქციები უნდა გამკაცრდეს. 

ცნობისთვის, მანამდე ჩრდილოეთ კორეის საგარეო საქმეთა სამინისტროს ამერიკასთან ურთიერთობის დეპარტამენტის ხელმძღვანელი ჩო სონ ჰუ ფხენიანსა და ვაშინგტონს შორის დიალოგის შესაძლებლობას არ გამორიცხავდა. აღნიშნული განცხადება კი, მას შემდეგ გაჟღერდა, რაც აშშ-ის პრეზიდენტმა დონალდ ტრამპმა განაცხადა, რომ "კიმ ჩენ ინი ჭკვიანი ბიჭია, თუმცა ნორმალურია თუ არა, არ იცის".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა