„ტერიტორიული მოწყობის საკითხი  კონსტიტუციის დონეზე მას შემდეგ მოწესრიგდება, როცა აფხაზეთის და ცხინვალის მოსახლეობასთან ერთად შეგვეძლება ამ საკითხის გადაწყვეტა“,-ამის შესახებ პარლამენტის თავმჯდომარემ ირაკლი კობახიძემ კონსტიტუციის პროექტის საყოველთაო-სახალხო განხილვაზე განაცხადა.

„ აქ არის მოწესრიგებული ქვეყნის ტერიტორიულ მოწყობასთან  დაკავშირებული საკითხები, ერთი რამ უნდა ითქვას, რომ ჩვენ გვქონდა სერიოზული  მსჯელობა ტერიტორიულ მოწყობასთან დაკავშირებით და საბოლოო ჯამში გადავწყვიტეთ, რომ დაგვეტოვებინა ის ძირითადი  გზავნილი, რომელიც  კონსტიტუციაში, ჯერ კიდევ  1995 წელს ჩაიდო.  კერძოდ, გზავნილის არსი მდგომარეობს იმაში, რომ  ვიდრე არ აღდგება საქართველოს მთელ ტერიტორიაზე  ტერიტორიული მთლიანობა, მანამდე არ გადაისინჯება ქვეყნის ტერიტორიული მოწყობის  საკითხები. მხოლოდ მას შემდეგ, რაც დაიწყება ამასთან დაკავშირებით  უშუალო მსჯელობა, მას შემდეგ რაც გვექნება საშუალება, რომ აფხაზეთის მოსახლეობასთან  და ცხინვალის მოსახლეობასთან ერთად გადავწყვიტოთ ჩვენი ტერიტორიის მოწყობის საკითხები, მხოლოდ მას შემდეგ მოწესრიგდება ეს საკითხები კონსტიტუციის დონეზე“,-განაცხადა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

10 ნოემბერს საქართველოს ბანკი მშობლებისთვის ვებინარს მართავს: მომავლის პროფესია, განათლება და მშობლის როლი AI-ის ეპოქაში

რუსეთმა საფრანგეთში გამართული საპროტესტო აქციები მთავრობის დისკრედიტაციისთვის გამოიყენა

რუსეთ-საქართველოს მცენარეთა საკარანტინო ნორმების კუთხით თანამშრომლობას ავითარებს - როსსელხოზნადზორი ვიზიტს აჯამებს

სიორიძე - ვაპირებთ, ოცნებას ყველა ცრუ ბრალდება შემოვუტრიალოთ, ვამხილოთ კონსტიტუციური წყობილების ხელყოფაში