ეროვნულ-დემოკრატიული ინსტიტუტის  საზოგადოებრივი აზრის კვლევის შედეგების თანახმად, გამოკითხულთა უმრავლესობისთვის ნატო-სა და ევროკავშირში გაწევრიანება მისაღებია.

კერძოდ, კითხვაზე - მისაღებია თუ არა საქართველოს მთავრობის გაცხადებული მიზანი, ქვეყანა გახდეს ნატო-ს წევრი, გამოკითხულთა 68%-მა დააფიქსირა, რომ მისაღებია, ხოლო 21%-მა აღნიშნა, რომ არაა მისაღები.

რაც შეეხება ევროკავშირში გაწევრიანებას, გამოკითხულთა 80%-მა დააფიქსირა, რომ მისაღებია, ხოლო 12%-მა აღნიშნა, რომ არაა მისაღები.

ამასთან, შეკითხვაზე-როგორ ფიქრობთ, როდის გახდება საქართველო ნატო-ს წევრი-12%-მა განაცხადა, რომ მომავალ 5 წელიწადში,  15%-ის აზრით, 5-10 წლის შემდეგ, 20%-ის შეფასებით-10 წლის შემდეგ, 16%-ის თქმით-არასდროს, ხოლო 38%-მა აღნიშნა, რომ არ იცის.

ასევე, კითხვაზე-თუ საქართველო შეიტანს განაცხადს ევროკავშირის   წევრობაზე, როგორ ფიქრობთ, როდის გახდება საქართველო ევროკავშირის წევრი-გამოკითხულთა 20%-მა განაცხადა, რომ მომავალ 5 წელიწადში, 21%-მა აღნიშნა, რომ 5-10 წლის შემდეგ, 18%-ის აზრით, 10 წლის შემდეგ, 10%-ის თქმით-არასდროს, ხოლო 32% აცხადებს, რომ არ იცის.

გარდა ამისა, გამოკითხვის შედეგების მიხედვით, ის ადამიანები, რომლებიც  ფიქრობენ, რომ ევროკავშირში გაწევრიანება მისაღებია,ამბობენ იმასაც, რომ ევროკავშირში გაწევრიანება  საქართველოს ეკონომიკას გააუმჯობესებს, ასევე მოუტანს მეტ უსაფრთხოებას და გააძლიერებს დემოკრატიის განვითარებას. ვისთვისაც მიუღებელია ევროკავშირში გაწევრიანება, ისინი  (43%) აცხადებენ, რომ  გაწევრიანება წარმოშობს კონფლიქტს რუსეთთან.ასევე 24% აღნიშნავს, რომ ეს საფრთხეს შეუქმნის საქართველოს ეროვნულ იდენტობას.

კვლევის საველე სამუშაოები 7-28 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით) ჩატარდა, რომლის ფარგლებშიც, წარმომადგელობითი შერჩევის საფუძველზე, 2 493 მოქალაქე პირისპირ ინტერვიუს საშუალებით გამოიკითხა.

NDI-ის კვლევები დიდი ბრიტანეთის მთავრობის UK aid-ის ფინანსური ხელშეწყობით ხორციელდება.

გამოკითხვას CRRC-საქართველო ატარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მხარდაჭერით, თბილისში საერთაშორისო სტანდარტების ახალი მათემატიკური კონკურსი ტარდება

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%