მოსკოვის ყოფილმა მერმა იური ლუჟკოვმა საქართველოში კიდევ ერთხელ ჩამოსვლის სურვილი გამოთქვა, - ამის შესახებ ლუჯკოვმა "რია-ნოვოსტის" განუცხადა.

"საერთოდაც, მე ვაპირებ , რომ სექტემბერში ჩემს საყვარლე საქართველოში ჩავიდე. დაპატიჟებული ვარ ქორწილში, რომელშიც ჩემმა ქართველმა მეგობარმა მიმიწვია. მეუღლესთან და ოჯახთან ერთად მინდა ქართული ქორწილი ვნახო. ეს ძალიან საინტერესოა, ყოველთვის მასშტაბური და ლამაზი ღონისძიებაა. თუ ეს არ მოხდება, საქართველოს მთავრობის გადაწყვეტილების გამო, ვფიქრობ, რომ ჩვენ დაველოდებით - დაველოდებით სხვა დროს, რომელიც აუცილებლად მოვა. ვფიქრობ, რომ ასეთ ველურ გადაწყვეტილებებს, საქართველოს ხელისუფლება არ მიიღებს და არც უნდა მიიღოს", - აღნიშნა ლუჟკოვმა.

ამასთან, იური ლუჟკოვი მიიჩნევს, რომ საქართველოს გადაწყვეტილება, მისი ე.წ. შავ სიაში შეყვანასთან დაკავშირებით დაუსაბუთებული და გაუგებარია.

ცნობისთვის, შს მინისტრის მოადგილის შალვა ხუციშვილის განცხადებით, მოსკოვის ყოფილი მერი იური ლუჟკოვი საქართველოში ვეღარ ჩამოვა და ის ე.წ. შავ სიაში იქნება შეყვანილი.

შეგახსენებთ, რომ მოსკოვის ყოფილი მერი იური ლუჟკოვი საქართველოში იმყოფებოდა. ლუჟკოვის სტუმრობა საზოგადოების ნაწილმა მწვავედ გააკრიტიკა, რადგან მან ოკუპირებულ აფხაზეთსა და ე.წ. სამხრეთ ოსეთში ვიზიტებით, ოკუპაციის შესახებ კანონი არაერთხელ დაარღვია.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას

კანარის კუნძულებზე MV Hondius-ის მგზავრების ევაკუაცია მიმდინარეობს, სადაც ჰანტავირუსი დაფიქსირდა