„ამხელა ცვლილებები გამოიწვია სწორედ ერთმა ადამიანმა და ეს ადამიანი არის გიორგი მარგველაშვილი, რომელიც თავის დროზე „ქართულმა ოცნებამ“ დაასახელა თავის კანდიდატურად, აირჩია, შემდეგ  გავიგეთ, რომ მას აღმოაჩნდა განსხვავებული ხასიათი, რომელსაც „ქართული ოცნება“ არ ელოდებოდა“,-ამის შესახებ „მოძრაობა თავისუფლებისთვის- ევროპული საქართველოს“ წევრმა ირმა  ნადირაშვილმა საკონსტიტუციო პროექტის საყოველთაო-სახალხო განხილვაზე განაცხადა.

როგორც ნადირაშვილმა აღნიშნა, როდესაც პრეზიდენტის არჩევა ხდება პირდაპირი  არჩევნებით მას აქვს სხვა ლეგიტიმაცია, მას აქვს სხვა უფლებამოსილება  და როდესაც 300 ადამიანი ირჩევს მას, მისი უფლებამოსილებები არის ძალიან შეზღუდული და დაბალი.

„მინდა ჩემი შეხედულება გაგაცნოთ პრეზიდენტის უფლებამოსილების შეზღუდვასთან დაკავშირებით და რატომ არ უტოვებენ ადამიანებს უფლებას, რომ თვითონ მიიღონ გადაწყვეტილება. ჩემი აზრით, აქ არის ძალიან მარტივი პრინციპი - ეს ყველაფერი, ეს ამხელა ცვლილებები გამოიწვია სწორედ ერთმა ადამიანმა და ეს ადამიანი არის გიორგი მარგველაშვილი, რომელიც თავის დროზე „ქართულმა ოცნებამ“ დაასახელა თავის კანდიდატურად, აირჩია, შემდეგ ჩვენ გავიგეთ, რომ მას აღმოჩნდა განსხვავებული ხასიათი, არა ისეთი, როგორსაც „ქართული ოცნება“ ელოდებოდა. ამიტომ მთელი ამ წლების მანძილზე იყო პრობლემა ხელისუფლების სხვადასხვა შტოებს  შორის, პარლამენტსა და პრეზიდენტს შორის. იყო მუდმივი დავა უშიშროების საბჭოზე, დელეგაციების გამგზავრებაზე საზღვარგარეთ და ა.შ.  მუდმივი მცდელობა იყო  ამ ინსტიტუტის დისკრედიტაციის. ახლა როდესაც „ქართული ოცნება“ თვლის, რომ 300-მა ხმოსანმა უნდა აირჩიოს პრეზიდენტი, თავს იცავს, რომ სამომავლოდ მსგავსი ტიპის შეცდომები აღარ იყოს დაშვებული და თუ მაინც ისევ მოხდება პრეზიდენტის არჩევა, რომელიც გამოავლენს თავის ხასიათს, ის ისევე ახალი გადასარჩევი იყოს, როგორც აირჩიეს და შესაბამისად, სამომავლოდ საერთო-სახალხო არჩევნებით არჩეული პრეზიდენტის ლეგიტიმაცია  არის ძალიან მაღალი“,-განაცხადა ირმა ნადირაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

10 ნოემბერს საქართველოს ბანკი მშობლებისთვის ვებინარს მართავს: მომავლის პროფესია, განათლება და მშობლის როლი AI-ის ეპოქაში

რუსეთმა საფრანგეთში გამართული საპროტესტო აქციები მთავრობის დისკრედიტაციისთვის გამოიყენა

რუსეთ-საქართველოს მცენარეთა საკარანტინო ნორმების კუთხით თანამშრომლობას ავითარებს - როსსელხოზნადზორი ვიზიტს აჯამებს

სიორიძე - ვაპირებთ, ოცნებას ყველა ცრუ ბრალდება შემოვუტრიალოთ, ვამხილოთ კონსტიტუციური წყობილების ხელყოფაში