„ნაციონალური ფრონტის“ ლიდერმა მარინ ლე პენმა არჩევნებში დამარცხება აღიარა და მის ოპონენტს ემანუელ მაკრონს გამარჯვება ტელეფონით მიულოცა, - ამის შესახებ Figaro იუწყება.

მედია საშუალების ინფორმაციით, მარინ ლე პენი საკუთარი ამომრჩევლების წინაშეც წარსდგა და მათ მხარდაჭერისთვის მადლობა გადაუხადა, ემანუელ მაკრონს კი წარმატებები უსურვა 

„წარმატებას ვუსურვებ ჩემ მეტოქეს საფრანგეთის მართვაში. მინდა მადლობა გადავუხადო ყველას, ვინც მხარი დამიჭირა საფრანგეთის პრეზიდენტის პოსტისთვის ბრძოლაში.ეს ისტორიული შედეგები, ჩვენს პარტიას ოპოზიციაში აყენებს. პირველი ტური იყო დემონსტრირება საფრანგეთის პოლიტიკური ცხოვრებაში არსებული დაყოფის. მეორე ტურში, ეს აღნიშნავს პატრიოტების გაერთიანებას და ეს ძალიან მნიშვნელოვანი არჩევანია. სწორედ ამ მოწოდებით მივმართავდით ფრანგებს წინასაარჩევნო კამპანიის დროს. ჩვენთან არიან ისინი, ვისაც სურდა საფრანგეთის დაცვა, მისი კეთილდღეობა, მისი სუვერენიტეტი, სოციალური მიღწევები.ჩვენ ქვეყანას სჭირდება ის ზომები, რომელსაც ჩვენ გთავაზობდით  და სჭირდებით თქვენ, რათა დღესვე ჩავერთოთ პოლიტიკურ ბრძოლაში , გაუმარჯოს საფრანგეთს, გაუმარჯოს რესპუბლიკას",- განაცხადა ლე პენმა.

ცნობისთვის, საფრანგეთის საპრეზიდენტო არჩევნების მეორე ტურის  წინასწარი შედეგების თანახმად, ემანუელ მაკრონმა ხმების 65.5 % მიიღო, ხოლო მარინ ლე პენს ამომრჩეველთა ხმების 34.5 %-აქვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა