გერმანიის ქალაქ ვაისბადენში გამართულ ცენტრალური და აღმოსავლეთ ევროპის ფილმების საერთაშორისო ფესტივალზე goEast - ქართულმა ფილმებმა საერთაშორისო ჯილდოები მოიპოვეს. 

ფესტივალზე ჯილდო საუკეთესო რეჟისურისთვის (Award of the City of Wiesbaden for Best Director) და ფიპრესის ჯილდო საუკეთესო ფილმისთვის (International Film Critics' Award for Best Fiction Feature) - ნანა ექვთიმიშვილისა და სიმონ გროსის ფილმმა - "ჩემი ბედნიერი ოჯახი " დაიმსახურა.

საფესტივალო ჩვენებები აღნიშნული ფილმებით გაიხსნა. კულტურული მრავალფეროვნების ფედერალური უწყების ჯილდო (Award of the Federal Foreign Office for Cultural Diversity) კი რატი ონელის "მზის ქალაქმა" დაიმსახურა. 

ფილმმა საუკეთესო რეჟისურისთვის კიდევ ერთი ჯოლდო სოფიას კინოფესტივალზეც მიიღო.

goEast-ს ფარგლებში კიდევ რამდენიმე ქართველი რეჟისორის ნამუშევარი აჩვენეს. ნუცა ღოღობერიძის ფილმი "ბუბა", ლანა ღოღობერიძის ფილმი "რამდენიმე ინტერვიუ პირად საკითხებზე", ოთარ იოსელიანის "ზამთრის სიმღერა" და ნუცა ალქესი-მესხიშვილის ფილმი "ბედნიერება".

ცნობისთვის, ცენტრალური და აღმოსავლეთ ევროპის ფილმების საერთაშორისო ფესტივალი goEast გერმანიაში 26 აპრილიდან 2 მაისის ჩათვლით ჩატარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია