იუსტიციის სახლში კიდევ ერთი უწყების - შსს-ს მომსახურების სააგენტოს სერვისი დაინერგა. ხვალიდან, 3 მაისიდან,  მოქალაქეებს ნასამართლობის შესახებ ცნობის აღება იუსტიციის სახლის  ფილიალებშიც შეეძლებათ.

ურთიერთთანამშრომლობის ხელშეკრულებას  იუსტიციის სახლსა და შსს-ს მომსახურების სააგენტოს შორის დღეს მოეწერა ხელი.

როგორც ჟურნალისტებთან საუბარში იუსტიციის სახლის აღმასრულებელმა დირექტორმა გივი აზაურაშვილმა აღნიშნა, ხვალიდან მოქალაქეებს შესაძლებლობა ექნებათ იუსტიციის სახლის 19 ფილიალში ნასამართლეობის ცნობის შესახებ განაცხადი გააკეთონ. 

"ხვალიდან იუსტიციის სახლის 19 ფილიალში შესაძლებელი იქნება იმისა, რომ მოქალაქეებმა გააკეთონ განაცხადი ნასამართლეობის ცნობის შესახებ და მიიღონ ეს განაცხადი. ეს მომსახურება რჩება ბუნებრივია შინაგან საქმეთა სამინისტროს მომსახურების სააგენტოს ტერიტორიულ ერთეულებში  და ამით საკმაოდ იზრდება ხელმისაწვდომობა ამ სახელმწიფო ხელმისაწვდომობაზე, რაც  ძალიან კარგია და ხელს შეუწყობს  იმ მოქალაქეებს ვისაც აქვს საჭიროება ამ  ცნობის მიღების",-განაცხადა აზაურაშვილმა.  

ხელშეკრულების ფარგლებში, 2017 წლის განმავლობაში ეტაპობრივად  შსს-ს მომსახურების სააგენტოს კიდევ 14 სერვისი დაინერგება.  მათ შორისაა: განმეორებითი მართვის მოწმობის გაცემა, დაკარგული ან დაზიანებული სატრანსპორტო საშუალების რეგისტრაციის მოწმობის აღდგენა, ასევე ცნობების გაცემა სატრანსპორტო საშუალების სამართლებრივი მდგომარეობის შესახებ, პირის მსჯავრდების,  იარაღის სამართლებრივი მდგომარეობისა თუ საქართველოს სახელმწიფო საზღვრის გადაკვეთა-გადმოკვეთის შესახებ და სხვ.

იუსტიციის სახლის ფილიალებში ახალი სერვისები დაინერგა მომხმარებელთათვის მეტი კომფორტის შექმნისა და სახელმწიფო სერვისებზე უკეთ წვდომის მიზნით. მომხმარებელს სერვისების მიღება კვლავ შეეძლება შსს-ს მომსახურების სააგენტოს 14 ტერიტორიულ ერთეულში, რომელთაც ხვალიდან იუსტიციის სახლის 19 ფილიალი  შეუერთდება.  

ნასამართლობის ცნობის მისაღებად მომხმარებელმა მხოლოდ პირადობის დამადასტურებელი დოკუმენტი უნდა წარადგინოს. ცნობა განაცხადის შევსებიდან ხუთ სამუშაო დღეში უფასოდ გაიცემა. ნასამართლობის შესახებ ცნობის  დაჩქარებული წესით, 1 სამუშაო დღეში, აღების საფასური 25 ლარია, ხოლო 3 სამუშაო დღეში - 15 ლარი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე ჩინეთის ვიცე-პრეზიდენტის ვიზიტზე: ასეთი რანგის სტუმარი ბოლო 10 წლის განმავლობაში საქართველოს არ ახსოვს

სახალხო დამცველმა ირაკლი ღარიბაშვილის საჯარო განცხადებაში მითითებული საკითხების შესწავლა დაიწყო

ივანიშვილის წარმომადგენელი გორდულაძე განაჩენის გამოტანამდე ოპოზიციურ პარტიებს არაკონსტიტუციურებს უწოდებს

მიგრაციის დეპარტამენტის თანამშრომლებმა უცხო ქვეყნის 91 მოქალაქე საქართველოდან გააძევეს