საქართველოს რკინიგზელთა პროფესიული კავშირის XIV საანგარიშო-საარჩევნო ყრილობა გაიმართა.

ყრილობის მუშაობაში 145 დელეგატი მონაწილეობდა.

ყრილობაზე რკინიგზელთა პროფესიული კავშირის თავმჯდომარედ აირჩიეს ზურაბ ნასარაია და გამგეობის წევრები. დამტკიცდა 2017-2021 წლების სამოქმედო პროგრამა, წარმოდგენილი იქნა საკონტროლო-სარევიზიო კომისიისა და კავშირის გამგეობის მიერ გაწეული საქმიანობის ანგარიში.

ყრილობას სტუმრის სტატუსით ესწრებოდნენ საფრანგეთის რკინიგზის პროფკავშირები ”UNSA”, უნგრეთის, ლიტვის, ბელარუსის რესპუბლიკის, ყაზახეთის, რუსეთის, აზერბაიჯანისა და სომხეთის რკინიგზელთა პროფესიული კავშირების თავმჯდომარეები, ასევე ევროპის ტრანსპორტის ფედერაციის გენერალური მდივანი და რკინიგზისა და რკინიგზის ტრანსპორტის მშენებლობის საერთაშორისო კონფედერაციის გენერალური მდივანი, რაც კიდევ უფრო ზრდის ყრილობის ლეგიტიმაციის ხარისხს.

ევროპის ტრანსპორტის ფედერაციის გენერალურმა მდივანმა ბენოიტ ვიენნემ მხარდამჭერი სიტყვით მიმართა ყრილობას და აღნიშნა, რომ საქართველო უძველესი ევროპული ქვეყანაა და ყველაფერი უნდა გაკეთდეს ევროკავშირში მისი გაწევრიანებისთვის.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ირაკლი ღარიბაშვილის საჯარო განცხადებაში მითითებული საკითხების შესწავლა დაიწყო

ივანიშვილის წარმომადგენელი გორდულაძე განაჩენის გამოტანამდე ოპოზიციურ პარტიებს არაკონსტიტუციურებს უწოდებს

მიგრაციის დეპარტამენტის თანამშრომლებმა უცხო ქვეყნის 91 მოქალაქე საქართველოდან გააძევეს

ბრალდებულმა ორი პირი ლიმონკით ააფეთქა, ერთი ადგილზე გარდაიცვალა, მეორე მძიმე მდგომარეობაში კლინიკაშია მოთავსებული