აზიურ ფაროსანასთან ბრძოლის ღონისძიებებზე ავსტრიის საერთაშორისო სემინარზე იმსჯელეს

2017-05-01 12:29:46, 1876 ნახვა

საზოგადოება

საერთაშორისო სემინარზე „ბზის და სხვა კულტურების ინვაზიური მავნებლებისაგან ზიანის აცილების მხარდაჭერა აღმოსავლეთ შავიზღვისპირა რეგიონში“ სოფლის მეურნეობის სამინისტროს სამეცნიერო-კვლევითი ცენტრის მცენარეთა ინტეგრირებული დაცვის კვლევის დეპარტამენტის უფროსმა, ზურაბ ხიდეშელმა დასავლეთ საქართველოში თხილის მავნებელ-დაავადებების, მათ შორის, აზიური ფაროსანას გავრცელების შედეგად შექმნილი ფიტოსანიტარული მდგომარეობის და დაგეგმილი ბრძოლის ღონისძიებების შესახებ პრეზენტაცია წარადგინა.

აღნიშნული სემინარი ავსტრიის ტყის სამეცნიერო-კვლევით ცენტრში (BFW), ევროპის უშიშროებისა და თანამშრომლობის ორგანიზაციის (ეუთო) ავსტრიის წარმომადგენლობის და ევროკავშირის ორგანიზებით ჩატარდა.

სემინარზე აღმოსავლეთ შავიზღვისპირა რეგიონში გავრცელებული საშიში ინვაზიური მავნებლების ბზის ალურას და აზიური ფაროსანას ბიოეკოლოგიის, გავრცელების ინტენსივობის, მავნეობისა და ბრძოლის ღონისძიებების საკითხებზე იმსჯელს.

სემინარში საერთაშორისო ორგანიზაციების USAID, OSCE, CABI, Action Against Hunger, ავსტრიის საგარეო საქმეთა სამინისტროს და ევროკავშირის წარმომადგენლები მონაწილეობდნენ, სამეცნიერო მოხსენებები წარმოადგინეს ექსპერტებმა შავიზღვისპირა ქვეყნებიდან.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან