ვებ-გვერდი Booking.com, რომელიც ინტერნეტ-მომხმარებელს მთელი მსოფლიოს მასშტაბით სასტუმროებში ნომრების დაჯავშნის სერვისს სთავაზობს, ოკუპირებულ აფხაზეთს რიგ შემთხვევებში ცალკე სახელმწიფოდ მოიხსენიებს.

საიტზე მომხმარებლის პროფილის რედაქტირებისას ქვეყნების ჩამონათვალში აფხაზეთი ცალკე სახელმწიფოდ არის მითითებული და საკუთარი ე.წ. დროშით არის გამოსახული.

აღნიშნული ფაქტის დაფიქსირების შემდეგ, Facebook-ის მომხმარებელმა მარიკა გენგაშვილმა booking.com-ის ოფიციალურ გვერდს მიწერა, რაზეც მას უპასუხეს, რომ აფხაზეთი ნაწილობრივ აღიარებული ქვეყანაა და აქვე მისი გეოგრაფიული მდებარეობა განუმარტეს.

საქართველოდან ვებ-გვერდზე შესვლის შემთხვევაში, აფხაზეთი აღნიშნულია, როგორც საქართველოს ტერიტორია, თუმცა რუსეთიდან შესვლისას „დამოუკიდებელ სახელმწიფოდ“ ფიქსირდება.

აღსანიშნავია, რომ საფრანგეთიდან, ასევე დიდი ბრიტანეთიდან საიტზე აფხაზეთი საქართველოს შემადგენლობაშია და მხოლოდ რუსეთიდან შესვლისას ჩნდება, როგორც ცალკე სახელმწიფო.

ინფორმაციის გასარკვევად "ექსპრესნიუსი" საქართველოში Booking.com-ის წარმომადგენლობას დაუკავშირდა, თუმცა მათ აღნიშნეს, რომ ლოკალურ ოფისს ოფიციალური კომენტარის გაკეთების უფლება არ აქვს.

„ექსპრესნიუსი“ Booking.com-ის ოფიციალური წარმომადგენლობის მხრიდან დაკავშირებას ელოდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია