საქართველოს პრემიერ-მინისტრის ოფიციალური ვიზიტი ბუქარესტში გრძელდება.

გიორგი კვირიკაშვილი დღეს რუმინეთის პარლამენტს ეწვია და სენატის პრეზიდენტ კალინ პოპესკუ-ტარიჩეანუსთან შეხვედრა გამართა.

მხარეებმა საქართველო-რუმინეთის თანამშრომლობის ახალ ეტაპზე, კერძოდ კი, სტრატეგიული ურთიერთობების ეტაპზე გადასვლის მნიშვნელობას გაუსვეს ხაზი. აღინიშნა ორი ქვეყნის პრემიერ-მინისტრების მოლაპარაკებების შედეგად მიღებული ერთობლივი დეკლარაციის შესახებ, სადაც ასახულია სტრატეგიული თანამშრომლობის პრიორიტეტები.

შეხვედრაზე საქართველოს ევროპული და ევროატლანტიკური ინტეგრაციის საკითხები და ამ მიმართულებით მიღწეული წარმატება განიხილე. კალინ პოპესკუ-ტარიჩეანუსმა გიორგი კვირიკაშვილს საქართველოს მოქალაქეებისთვის ევროკავშირის/შენგენის ზონის წევრ ქვეყნებში უვიზოდ მიმოსვლის ამოქმედება მიულოცა.

საქართველოს პრემიერ-მინისტრმა მადლობა გადაუხადა სენატის პრეზიდენტს ევროპული და ევროატლანტიკური ინტეგრაციის პროცესებში რუმინეთის მტკიცე მხარდაჭერისთვის.

“საქართველო არის მაგალითი ძალიან პერსპექტიული პოლიტიკური და ეკონომიკური რეფორმების გატარების კუთხით და ჩვენ ვართ ძალიან ბედნიერები ამით, რადგან რუმინეთი არის ქვეყანა, რომელიც მტკიცედ უჭერს მხარს საქართველოს ევროპულ და ევროატლანტიკურ მისწრაფებებს,”-განაცხადა კალინ პოპესკუ-ტარიჩეანუმ შეხვედრაზე.

შეხვედრაზე ხაზი გაესვა ორი ქვეყნის საკანონმდებლო ორგანოებს შორის თანამშრომლობის განვითარების მნიშვნელობასა და მაღალი დონის ვიზიტების გაცვლის აუცილებლობას.

რუმინეთის სენატის პრეზიდენტის თქმით, მის ქვეყანას კარგად ესმის საქართველოს წინაშე მდგარი გამოწვევების და ამ მიმართულებით რუმინეთი კიდევ უფრო გააქტიურებს საქართველოს მხარდაჭერას.  საქართველოს პრემიერ-მინისტრმა ხაზი გაუსვა რუმინელი დამკვირვებლების როლს ევროკავშირის სადამკვირვებლო მისიაში, რომელიც საქართველოს უსაფრთხოებისა და სტაბილურობის მთავარი გარანტიაა.

შეხვედრის დასრულების შემდეგ საქართველოს პრემიერ-მინისტრმა სენატის სამახსოვრო წიგნში ჩანაწერი გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

10 ნოემბერს საქართველოს ბანკი მშობლებისთვის ვებინარს მართავს: მომავლის პროფესია, განათლება და მშობლის როლი AI-ის ეპოქაში

რუსეთმა საფრანგეთში გამართული საპროტესტო აქციები მთავრობის დისკრედიტაციისთვის გამოიყენა

რუსეთ-საქართველოს მცენარეთა საკარანტინო ნორმების კუთხით თანამშრომლობას ავითარებს - როსსელხოზნადზორი ვიზიტს აჯამებს

სიორიძე - ვაპირებთ, ოცნებას ყველა ცრუ ბრალდება შემოვუტრიალოთ, ვამხილოთ კონსტიტუციური წყობილების ხელყოფაში