ენერგოეფექტურობის წახალისება კიდევ ერთი წინ გადადგმული ნაბიჯია, - ამის შესახებ პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა ახალი საგადასახადო საკანონმდებლო ცვლილებების პრეზენტაციისას განაცხადა.

კანონპროექტის თანახმად, საქართველოს მცხოვრებლებს შეეძლებათ, დაამონტაჟონ მიკროსიმძლავრის ელექტროსადგური, აწარმოონ ელექტროენერგია საკუთარი მოხმარებისთვის და ამავდროულად, პარალელურ რეჟიმში ჩაერთონ ელექტროსისტემაში. ჭარბად გამომუშავებული ელექტროენერგიით მიღებული სარგებელი საშემოსავლო გადასახადით არ დაიბეგრება.

„აღნიშნული ცვლილება მნიშვნელოვანია. მაგალითად, თუ ოჯახს უნდა, რომ ჰქონდეს მცირე მიკრო ელექტროსადგურის ან მზის პანელების ელექტროსადგური, ჩვენ რა თქმა უნდა მათ წავახალისებთ," - განაცხადა დიმიტრი ქუმსიშვილმა. 

მისი თქმით,  „ცვლილება საქართველოში ენერგიის ალტერნატიული წყაროების გამოყენებას გაააქტიურებს და სტიმულს მისცემს მიკროსიმძლავრის ელექტროსადგურების გამოყენებას".

მიკროსიმძლავრის ელექტროსადგური არის საცალო მომხმარებლის მფლობელობაში არსებული განახლებადი ენერგიის წყარო, რომლის დადგმული სიმძლავრე 100 კილოვატს არ აღემატება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა