ლოგისტიკის დღესთან დაკავშირებით, საქართველოს შეიარაღებული ძალების სახმელეთო ჯარების დასავლეთ სარდლობის  შტაბმა ტაქტიკურ-ოპერატიული დონის ლოგისტიკური  სწავლება - „აღალი 2017“ ჩაატარა.

თავდაცვის სამინისტროს ინფორმაციით, სამხედრო წვრთნები ძალების მიზიდვით სენაკში, II ქვეითი ბრიგადის ბაზის მიმდებარე ტერიტორიაზე გაიმართა. სამხედრო ლოგისტიკოსებისთვის პროფესიული დღის მისალოცად და ლოგისტიკურ სწავლებაზე დასასწრებად სენაკში, გენერალური შტაბის უფროსის მოადგილე, პოლკოვნიკი ზაზა ჩხაიძე და სამედიცინო დეპარტამენტის უფროსი, პოლკოვნიკი მედეა ბეთაშვილი ჩავიდნენ. ღონისძიებას დასავლეთის სარდალი, პოლკოვნიკი გიორგი მათიაშვილი და სარდლობაში შემავალი ქვედანაყოფების მეთაურები დაესწრნენ.

ლოგისტიკური სწავლების მიზანი სახმელეთო ჯარების დასავლეთ სარდლობის ლოგისტიკური უზრუნველყოფის ქვედანაყოფების და ელემენტების შერწყმა და საბრძოლო მზადყოფნის დონის ამაღლება იყო. სწავლების ხელმძღვანელმა, ვიცე-პოლკოვნიკმა ბიქტორ სილაგაძემ სტუმრებს წვრთნების მიმდინარეობის შესახებ დეტალური ინფორმაცია მიაწოდა და ადგილზე მოწყობილი მართვის და მომარაგების პუნქტი, ასევე საველე ლაზარეთი და სამედიცინო პოლიკლინიკა დაათვალიერებინა.

„აღალი 2017“ ექვსი დღის განმავლობაში მიმდინარეობდა და მასში საქართველოს შეიარაღებული ძალების II და III ქვეითი, II საარტილერიო ბრიგადების ლოგისტიკური ქვედანაყოფები, ასევე საინჟინრო მესანგრეთა ბატალიონი, სამედიცინო პოლიკლინიკა და სამხედრო პოლიცია მონაწილეობდა.

სწავლების დასრულების შემდეგ, პოლკოვნიკებმა ზაზა ჩხაიძემ, გიორგი მათიაშვილმა და მედეა ბეთაშვილმა, ასევე დასავლეთ სარდლობაში შემავალი ქვედანაყოფების მეთაურებმა საბრძოლო მომზადებში შეტანილი განსაკუთრებული წვლილისთვის 30 სამხედრო ლოგისტიკოსი უწყებრივი მედლებით დაჯილდოვეს.

სენაკის პარალელურად, ლოგისტიკის დღე თბილისში, ჯარების ლოგისტიკური უზრუნველყოფის სარდლობის საავტომობილო ბაზაზე აღინიშნა, სადაც სამხედრო ლოგისტიკოსებს პროფესიული დღე თავდაცვის მინისტრმა ლევან იზორიამ და გენერალური შტაბის უფროსმა, ბრიგადის გენერალმა ვლადიმერ ჩაჩიბაიამ მიულოცეს.

1992 წლის 25 აპრილს საქართველოს თავდაცვის მინისტრის ბრძანებით ჩამოყალიბდა „შეიარაღებისა და ტექნიკის უზრუნველყოფის მთავარი სამმართველო“ და „ზურგის მთავარი სამმართველო“. ამ სტრუქტურებით ლოგისტიკური ელემენტების დანერგვას საფუძველი ჩაეყარა. 2013 წლის 4 დეკემბერს, თავდაცვის მინისტრის ბრძანების საფუძველზე, ლოგისტიკის დღედ 25 აპრილი განისაზღვრა. საქართველოს შეიარაღებული ძალების ლოგისტიკური სამსახურების მიერ სამშვიდობო მისიებში მყოფი ქართველი მოსამსახურეების სრული ლოგისტიკური უზრუნველყოფა ხორციელდება. სამხედრო ლოგისტიკოსები საერთაშორისო სამშვიდობო მისიებშიც აქტიურად მონაწილეობენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა

უკრაინაში კიდევ ერთი ქართველი მებრძოლი დაიღუპა

ძალოვანებმა პუტინს შესთავაზეს სახელმწიფო დუმის არჩევნების გაუქმება ეკონომიკური პრობლემებისა და დრონების თავდასხმების გამო