პარლამენტს რამდენიმე კანონში ცვლილების შეტანის შესახებ საკანონმდებლო წინადადებით მიმართეს.

მათ შორის, ინიციატორებმა „თბილისის შესახებ კანონში“ და "ადგილობრივი თვითმმართველობის შესახებ კანონში" ცვლილებები მოითხოვეს. აღსანიშნავია, რომ  „თბილისის შესახებ კანონი“  2014 წლიდან აღარ არსებობს, ხოლო "ადგილობრივი თვითმმართველობის შესახებ კანონი" "საქართველოს  ადგილობრივი თვითმმართველობის  კოდექსით" შეიცვალა.

კერძოდ,  მოქალაქეთა პოლიტიკურმა გაერთიანებებმა - „ახალი მემარჯვენეები“, „ახალი საქართველო“, „ახალი ქრისტიან-დემოკრატები“, „გაერთიანებული დემოკრატიული მოძრაობა“, „დემოკრატიული მოძრაობა-ერთიანი საქართველო“, „ევროპელი დემოკრატები“, „ეროვნული ფორუმი“, „თავისუფალი დემოკრატები“, „თავისუფალი საქართველო“, „თავისუფლება“, „ლეიბორისტული პარტია“, „მოძრაობა სახელმწიფო ხალხისთვის“, „პატრიოტთა ალიანსი“, „ტრადიციონალისტთა კავშირი“, „ძალოვან ვეტერანთა“ და „პატრიოტთა პოლიტიკურმა მოძრაობამ“ პარლამენტს „საარჩევნო კოდექსში“, „ადგილობრივი თვითმმართველობის შესახებ“ და თბილისის შესახებ“ საქართველოს კანონებში ცვლილების შეტანის შესახებ საკანონმდებლო წინადადება დაარეგისტრირეს.

მათ დღეს პარლამენტის ბიუროს ვადის გაგრძელებისა და საკითხის განხილვაში იურიდიულ საკითხთა კომიტეტის ჩართვის შესახებ თხოვნით მიმართეს.

 პარლამენტის თავმჯდომარემ ირაკლი კობახიძემ განაცხადა, რომ ინიციატორებს „თბილისის შესახებ“ კანონი შეცდომით აქვთ მითითებული და სხვა ხარვეზების გამოც, მათი თხოვნა არაა გასაზიარებელი:

„ხარვეზები აქვთ სათაურებში. წინადადებაც აბსურდულია. აქ არის მოთხოვნა, გაგრძელდეს ვადა, იურიდიული კომიტეტი ჩაერთოს განხილვაში. არ არის გასაზიარებელი ეს მოთხოვნა. ეს ყველაფერი მეტყველებს, რამდენად არის მომწიფებული ესა თუ ის პარტია, იმისათვის, რომ კანონპროექტებთან დაკავშირებით იმსჯელონ. მძიმე მდგომარეობა გვაქვს ძალიან“, - განმარტა  ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

10 ნოემბერს საქართველოს ბანკი მშობლებისთვის ვებინარს მართავს: მომავლის პროფესია, განათლება და მშობლის როლი AI-ის ეპოქაში

რუსეთმა საფრანგეთში გამართული საპროტესტო აქციები მთავრობის დისკრედიტაციისთვის გამოიყენა

რუსეთ-საქართველოს მცენარეთა საკარანტინო ნორმების კუთხით თანამშრომლობას ავითარებს - როსსელხოზნადზორი ვიზიტს აჯამებს

სიორიძე - ვაპირებთ, ოცნებას ყველა ცრუ ბრალდება შემოვუტრიალოთ, ვამხილოთ კონსტიტუციური წყობილების ხელყოფაში