თურქეთის ცენტრალურმა საარჩევნო კომისიამ ქვეყნის ოპოზიციის სარჩელი, ჩატარებული რეფერენდუმის შედეგების გაუქმებასთან დაკავშირებით არ მიიღეს, - ამის შესახებ BBC იუწყება.

მედია საშუალების ინფორმაციით, სარჩელის დაკმაყოფილებას კომისიის მხოლოდ ერთმა წევრმა დაუჭირა მხარი, 10 კი, წინააღმდეგი იყო.

გუშინ თურქეთის ოპოზიციამ ცესკო-ს რეფერენდუმის შედეგების გაუქმების მოთხოვნით მიმართა. როგორც ოპოზიციაში აცხადებენ, რეფერენდუმი მრავალი სახის დარღვევით ჩატარდა.

თურქეთის პრემიერ-მინისტრის ბინალი ილდირიმის განცხადებით, ოპოზიციას აქვს უფლება შედეგები შესაბამის ინსტანციებში გაასაჩივროს, თუმცა მისივე თქმით, საპროტესტო აქციების გამართვისკენ მოწოდების უფლება არ გააჩნია.

პრეზიდენტის შეფასებით, "რეფერენდუმი ყველაზე დემოკრატიული არჩევნებია, რომელიც დასავლეთში ჩატარდა".

რამდენიმე საათით ადრე ეუთო-მ გამოაქვეყნა ანგარიში, რომლის თანახმადაც რეფერენდუმი საკონსტიტუციო ცვლილებებთან დაკავშირებით, არათანაბარ პირობებში ჩატარდა. დამკვირვებლების შეფასებით, რეფერენდუმის ტექნიკური მხარე კარგად იყო ორგანიზებული, თუმცა ამომრჩევლებს არ მიაწოდეს მიუკერძოებელი ინფორმაცია რეფორმის ძირითად დებულებებზე.

შეგახსენებთ, რომ თურქეთში 16 აპრილს რეფერენდუმი ჩატარდა, რომლის თანახმადაც მოსახლეობა მმართველობის მოდელს ირჩევდა. ამ დროისთვის თურქეთში საკონსტიტუციო ცვლილებების შესახებ ჩატარებულ რეფერენდუმში მონაწილეთა ხმების 99%-ია დათვლილი. საკონსტიტუციო ცვლილებებს მხარს უჭერს 51,34 %, ხოლო წინააღმდეგია 48,66 %. 

ცნობისთვის, თურქეთში ჩატარებული რეფერენდუმის პირველადი შედეგების გამოცხადების შემდეგ, სტამბოლში ასობით ადამიანი საპროტესტო აქციას მართავს. 

საპროტესტო აქციაზე 49 ადამიანი დააკავეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა