ევროკომისია თურქეთის ხელისუფლებას მოუწოდებს, შეისწავლოს ყველა ის დარღვევა, რომელთა შესახებაც ოპოზიცია საუბრობს.

როგორც ბრიუსელში აცხადებენ, ევროკავშირისთვის სიკვდილით დასჯის აღდგენის შესახება რიტორიკა მიუღებელია.

„მოვუწოდებთ თურქეთის ხელისუფლებას ფართო ეროვნული კონსენსუსის ჩამოყალიბებისაკენ და შესაძლო დარღვევების გამოძიების დაწყებისკენ. სიკვდილით დასჯა უარყოფილია ჩვენ მიერ და ეს არის ევროკავშირის ფუნდამენტური საყრდენი. ამ საკითხთან დაკავშირებით რიტორიკიდან ქმედებებზე გადასვლა მკაფიო სიგნალი იქნება, რომ თურქეთს არ სურს, იყოს ევროკავშირის ოჯახის წევრი,“ - განაცხადა ეუთოსა და ევროსაბჭოს სადამკვირვებლო მისიის წევრმა, ტანა დე ზულუეტამ.

ცნობისთვის, დღეს ევროპელმა დამკვირვებლებმა რეფერენდუმის შესახებ მომზადებული პირველადი ანგარიში თურქეთის უმაღლეს საარჩევნო საბჭოს გადასცეს. დოკუმენტში აღნიშნუალია, რომ კენჭისყრის პროცესი და კამპანია ევროპულ სტანდარტებს არ პასუხობდა.

„უმაღლეს საარჩევნო საბჭოს გადავეცით ჩვენი ანგარიშის ასლი და მისი შინაარსი განვიხილეთ. ჩვენი დასკვნები შევა საბოლოო ანგარიშში. ჩვენ ვრჩებით და მოვამზადებთ სარჩელების მიმდინარეობის შესახებ ანგარიშს, რომელიც ასევე შევა საბოლოო დოკუმენტში,“ - განაცხადა ევროკომისიის წარმომადგენელმა, მარგარიტის შინასმა.

შეგახსენებთ, რომ თურქეთში 16 აპრილს რეფერენდუმი ჩატარდა, რომლის თანახმადაც მოსახლეობა მმართველობის მოდელს ირჩევდა. ამ დროისთვის თურქეთში საკონსტიტუციო ცვლილებების შესახებ ჩატარებულ რეფერენდუმში მონაწილეთა ხმების 99%-ია დათვლილი. საკონსტიტუციო ცვლილებებს მხარს უჭერს 51,34 %, ხოლო წინააღმდეგია 48,66 %. 

ცნობისთვის, თურქეთში ჩატარებული რეფერენდუმის პირველადი შედეგების გამოცხადების შემდეგ, სტამბოლში ასობით ადამიანი საპროტესტო აქციას მართავს.   საპროტესტო აქციაზე 49 ადამიანი დააკავეს. 

თურქეთის ოპოზიცია საკონსტიტუციო ცვლილებებთან დაკავშირებით რეფერენდუმის შედეგების გასაჩივრებას აპირებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა