საერთაშორისო სავალუტო ფონდის მიერ, ახალი, 285 მილიონი დოლარის მოცულობის სამწლიანი პროგრამის დამტკიცებას, ფინანსთა მინისტრი/ვიცე-პრემიერი დიმიტრი ქუმსიშვილი გამოეხმაურა.

ქუმსიშვილის განმარტებით, თანხები სავალუტო რეზერვების გასაზრდელად, ეროვნულ ბანკს გადაეცემა.

მისივე ინფორმაციით, აღნიშნული თანხები არ არის საბიუჯეტო დახმარება, ან არ მოხმარდება რაიმე კონკრეტულ პროგრამას:

„თუმცა ძალიან მნიშვნელოვანია სავალუტო ფონდთან პროგრამის განხორციელება, ვინაიდან ეს არის  გარანტი ჩვენი ეკონომიკური რეფორმების განვითარების, ეს არის  გარანტი  იმ მხარდაჭერისა საერთაშორისო საფინანსო დონორ ორგანიზაციებთან, საერთაშორისო სავალუტო ფონდი არის ის ორგანიზაცია, რომელთან  პროგრამის არსებობის შემთხვევაში, ყველას საფინანსო ორგანიზაცია კომფორტულადაა, ვინაიდან ეს ნიშნავს იმას, რომ მაკროეკონომიკური გარემო, მათ შორის ფისკალური მდგომარეობა და მონეტარული მდგომარეობა  ქვეყანაში, არის დამაკმაყოფილებელი და კარგი. შესაბამისად, ჩვენ შემდეგი 3 წლის განმავლობაში გვექნება ჩვენი ეკონომიკური განვითარების და ეკონომიკური რეფორმების მხარდამჭერი პროგრამა. ეს ნიშნავს იმას, რომ სივრცითი განვითარება განხორციელდება სრული მასშტაბით“,-განაცხადა დიმიტრი ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.