2017-04-11 15:29:38, 2273 ნახვა
პოლიტიკა საზოგადოება
პარლამენტის ადგილმდებარეობა შესაძლოა, კონსტიტუციით აღარ იყოს განსაზღვრული
საქართველოს პარლამენტის ადგილმდებარეობა შესაძლოა, კონსტიტუციით აღარ იყოს განსაზღვრული.
საკონსტიტუციო კომისიის წევრების ინფორმაციით, პარლამენტის ადგილსამყოფელთან დაკავშირებით, კომისიაში რამდენიმე ვერსია განიხილება.
ერთ-ერთი ვერსიაა, პარლამენტის ადგილსამყოფელად კონსტიტუციაში ჩაიწეროს როგორც ქუთაისი, ასევე თბილისი. მეორე ვერსიით კი, პარლამენტის ადგილმდებარეობის თაობაზე კონსტიტუციიდან არსებული ჩანაწერი უნდა ამოვიდეს და ეს საკითხი პარლამენტის რეგლამენტით დარეგულირდეს.
ცნობისთვის, ამ ეტაპისთვის, კონსტიტუციაში პარლამენტის ადგილსამყოფელად ქუთაისია დასახელებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
