„პრეზიდენტის მრჩევლად დანიშვნა არ შემიშლის ხელს საყდრისთან დაკავშირებით სასამართლოში ბრძოლა გავაგრძელო“, - ამის შესახებ პრეზიდენტის ახლად დანიშნულმა მრჩეველმა ადამიანის უფლებებისა და მართლმსაჯულების სფეროში კახა კოჟორიძემ ჟურნალისტებს განუცხადა.

„მე და პრეზიდენტს საყდრისის თემაზე არ გვისაუბრია, მე მაქვს ჩემი პირადი პოზიცია, ამ საკითხზე. პირადად მაქვს სარჩელი შეტანილი და ჩემი მრჩევლად დანიშვნა არ შემიშლის ხელს იმაში, რომ სასამართლოში ამ საკითხზე ბრძოლა გავაგრძელო. ეს არის ჩემი პირადი გადაწყვეტილება და საქართველოს პრეზიდენტის მრჩევლის თანამდებობაზე დანიშვნას არ უკავშირდება“, - განაცხადა კახა კოჟორიძემ.

რაც შეეხება უშუალოდ კოჟორიძის პრეზიდენტის მრჩევლად დანიშვნის საკითხს, კოჟორიძის თქმით, ეს თანამდებობა მისთვის დიდი პატივი და პასუხისმგებლობაა.

ამასთან, კოჟორიძის განმარტებით, ბევრ საკითხებთან დაკავშირებით, რომელიც მართლმსაჯულებასა და ადამიანის უფლებებს ეხება, პრეზიდენტის ადმინისტრაციასა და მას საერთო ხედვები ჰქონდათ, აქედან გამომდინარე კახა კოჟორიძეს იმედი აქვს, რომ პრეზიდენტის ადმინისტრაციასთან მომავალი თანამშრომლობა იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა