ჯანელიძე რეზოლუციაზე: ეს არის აშშ-ის კონგრესთან მჭიდრო თანამშროლობისა და მათი მხარდაჭერის გამოხატულება

2017-04-10 12:23:11, 2120 ნახვა

პოლიტიკა კომენტარი

საგარეო საქმეთა მინისტრი მიხეილ ჯანელიძე ამერიკის შეერთებული შტატების წარმომადგენელთა პალატაში წარდგენილ ნატო-სა და აღმოსავლეთ ევროპის ქვეყნების მხარდამჭერ რეზოლუციას გამოეხმაურა, სადაც საქართველოს მნიშვნელოვანი ადგილი ეთმობა.

როგორც მინისტრმა ჟურნალისტებს განუცხადა, ეს ამერიკის შეერთებული შტატების კონგრესთან მჭიდრო თანამშრომლობის და მხარდაჭერის გამოხატულებაა.

„მოგეხსენებათ, რომ ჩვენ გვაქვს ძალიან აქტიური თანამშრომლობითი ურთიერთობები, როგორც ამერიკის ახალ ადმინისტრაციასთან ასევე აშშ- ის კონგრესთან. წარმომადგენლობით პალატაში აღმოსავლეთ ევროპის მხარდამჭერი ორ პარტიული რეზოლუციაა წარდგენილი. ეს გამოხატულებაა ზუსტად იმ მჭიდრო თანამშრომლობის აშშ-ს კონგრესთან და იმ მხარდაჭერის, რომელიც გვაქვს კონგრესში“,-აღნიშნა ჯანელიძემ.

ნატო-სა და აღმოსავლეთ ევროპის ქვეყნების მხარდამჭერი რეზოლუცია

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან