ევროკავშირი 9 აპრილს ოკუპირებულ სამხრეთ ოსეთში დაგეგმილ დე-ფაქტო არჩევნებსა და ე,წ რეფერენდუმს რეგიონის სახელის შეცვლასთან დაკავშირებით არ აღიარებს, - ამის შესახებ LIBE-ეს კომიტეტის მიერ გავრცელებულ განცხადებაშია ნათქვამი.

"ევროკავშირი იმ ჩარჩოებს, რომლის ფარგლებშიც სამხრეთ ოსეთში 9 აპრილს დე-ფაქტო საპრეზიდენტო არჩევნები და ე.წ რეფერენდუმია დაგეგმილი არ სცნობს. ევროპული კავშირი მხარს უჭერს საქართველოს ტერიტორიულ  მთლიანობასა და სუვერენიტეტს საერთაშორისოდ აღიარებული საზღვრების ფარგლებში", - ნათქვამია კომიტეტის განცხადებაში.

შეგახსენებთ, რომ 12 მარტს ოკუპირებულ აფხაზეთში ე.წ საპარლამენტო არჩევნების პირველი, ხოლო 26 მარტს მეორე ტური ჩატარდა. გარდა ამისა, 9 აპრილს სამხრეთ ოსეთში დე ფაქტო საპრეზიდენტო არჩევნები და რეგიონის სახელის შეცვლის შესახებ ე.წ რეფერენდუმია დაგეგმილი. როგორც დე-ფაქტო პრეზიდენტმა ლეონიდ თიბილოვმა განაცხადა, „სამხრეთ ოსეთს ისტორიული სახელი - „ალანია“ დაერქმევა“.

ცნობისთვის, საქართველოს ტერიტორიული მთლიანობისა და სუვერენიტეტის მხარდამჭერი განცხადება ამერიკის შეერთებული შტატების სახელმწიფო დეპარტამენტმაც გამოაქვეყნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

10 ნოემბერს საქართველოს ბანკი მშობლებისთვის ვებინარს მართავს: მომავლის პროფესია, განათლება და მშობლის როლი AI-ის ეპოქაში

რუსეთმა საფრანგეთში გამართული საპროტესტო აქციები მთავრობის დისკრედიტაციისთვის გამოიყენა

რუსეთ-საქართველოს მცენარეთა საკარანტინო ნორმების კუთხით თანამშრომლობას ავითარებს - როსსელხოზნადზორი ვიზიტს აჯამებს

სიორიძე - ვაპირებთ, ოცნებას ყველა ცრუ ბრალდება შემოვუტრიალოთ, ვამხილოთ კონსტიტუციური წყობილების ხელყოფაში