რუსეთის საგამოძიებო კომიტეტის ინფორმაციით, სამართალდამცველებმა იმ პირის ცხედარი იპოვეს, რომელმაც სავარაუდოდ, პეტერბურგის მეტროსადგურში აფეთქება განახორციელა, - ამის შესახებ BBC იუწყება.

რუსეთის საგამოძიებო კომიტეტის ოფიციალური წარმომადგენლის სვეტლანა პეტრენკოს თქმით, პეტერბურგის მეტროსადგურში ასაფეთქებელი მოწყობილობის ამოქმედება შეეძლო მამაკაცს, რომლის ცხედარი მესამე ვაგონში აღმოაჩინეს

მისივე თქმით, გამოძიების ინტერესებიდან გამომდინარე, მონაცემები სავარაუდო თვითმკვლელის შესახებ არ გასაჯაროვდება, თუმცა მისი ვინაობა ცნობილია.

ცნობისთვის, "ტერაქტის სავარაუდო მომწყობი, წინასწარი ინფორმაციით, რუსეთის მოქალაქე 1995 წელს დაბადებული, აკბარჟონ ჯალილოვია", - ნათქვამია კომიტეტის ინფორმაციაშია. მანამდე მედიაში ვრცელდებოდა ინფორმაცია, რომ ტერაქტის შემსრულებელი 1996 წელს დაბადებული, ყაზახეთის მოქალაქე მაქსიმ არიშევი. მალევე ეს ინფორმაცია არ დადასტურდა.

შეგახსენებთ, რომ გუშინ პეტერბურგის მეტროსადგურ "Сенная" და "Технологический институт" შორის აფეთქება მოხდა, რის შედეგადაც 11 ადამიანი დაიღუპა, 51 კი საავადმყოფოშია გადაყვანილი.

მოგვიანებით მეტროსადგურ "Площадь Восстания" ხელნაკეთი ასაფეთქებელი მოწყობილობა აღმოაჩინეს. ამის შემდეგ მეტროს 63-ვე სადგური დაიხურა და მოსახლეობის ევაკუაცია დაიწყო. მთელი ქალაქის მასშტაბით უსაფრთხოების ზომები გაძლიერდა. მომხდარს ტერაქტის კვალიფიკაცია მიენიჭა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა