პროკურატურის წარმომადგენელმა პეტერბურგის მეტროსადგურში აფეთქებას ტერაქტი უწოდა

2017-04-03 18:07:59, 2407 ნახვა

მსოფლიო

პეტერბურგის გენერალური პროკურატურის წარმომადგენელმა ალექსანდრ კურენნოიმ მეტროსადგურში აფეთქებას ტერაქტი უწოდა, - ამის შესახებ "Россию-24"იუწყება.

"პროკურორები ყველაფერს გააკეთებენ, რაც მათზეა დამოკიდებული. დაადგენენ ყველა დეტალს. უნდა დადგინდეს რა იყო მომხდარის მიზეზი. ყველაფერი უნდა გაკეთდეს, რომ მსგავსი ტერაქტები აღარ განმეორდეს", - აღნიშნა პროკურატურის წარმომადგენელმა.

სანქტ-პეტერბურგში მეტროსადგურის აფეთქებას რუსეთის პრეზიდენტი ვლადიმერ პუტინი უკვე გამოეხმაურა. პუტინის განცხადებით აფეთქებასთან დაკავშირებიტ განიხილავს ყველა ვერსიას, მათ შორის ტერაქტს.

შეგახსენებთ, რომ სანქტ-პეტერბურგში მეტროსადგურში აფეთქება მოხდა, რის შედეგადაც სულ მცირე 10 ადამიანი დაიღუპა, 50-ზე მეტი კი დაშავდა. დაშავებულტა შორის არიან ბავშვები. შემთხვევა ცოტა ხნის წინ მოხდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან